InfoHub Logo

Bel aýrýy búkil denege áser etip, ómirdiń mánin ketiretini anyq. Bul derttiń aldyn alýǵa kómektesetin mamandardyń mańyzdy on keńesi:

Bir zatty kóterer kezde tizelerińdi búgińder

Qate turysta júk kóterý, bel aýrýyna sebep bolatyn áreketterdiń basynda keledi. Jerden bir nárse alatyn kezde tizelerińdi búgip, jerge otyryp, zatty sol kúıde alyńdar. 

Belderińdi aınaldyrmańdar

Ásirese kólikte arqaǵa qarap bir zatty alý bel aýrýyna sebep bolady. Omyrtqanyń aınalyp qımyldaýyna jol ashatyn bul tıptegi qaýipti áreketterden uzaq turyńdar.

Aryqtańdar

Salmaq qosý beldiń aınalasyndaǵy dıskilerdi qınaıdy. Búkil denedegi salmaq beldegi omyrtqaǵa túsedi jáne júk sol jerden aıaqtarǵa jaıylady. Artyq salmaqtardan qutylý úshin salaýatty túrde azyqtanyńdar jáne júıeli túrde jattyǵý jasańdar.

Bıikke qaraı sozylmańdar

Bel aýrýyna jol ashatyn áreketterdiń biri bıikke sozylý jáne bıik jerdegi aýyr júkti alýmen paıda bolady.

Jattyǵý jasańdar

Beldiń aınalasyndaǵy bulshyq etterdiń qýatty bolýy úshin jattyǵý jasańdar. Túzý júgirý jáne júzý eń kóp keńes berilgen sporttardyń biri bolyp tabylady. Basketbol, fýtbol nemese aýyr atletıka sıaqty sporttar beli aýyratyn adamdarǵa usynylmaıdy.

Qımyl-qozǵalyssyz bolmańdar

Kompúterdiń basynda ár jarty saǵatta turyp, 5-6 mınýt júrip qaıtyńdar. Bul bir jerde otyryp jumys isteıtinderge de qatysty.

Súıenish qoldanyńdar

Jumys ornynda nemese kólikke otyrǵanda mindetti túrde belge súıenish bolatyn bir jastyqsha qoıyńdar. Kólik aıdaǵan kezde artqa qatty súıenbeı, rúlge jaqyn otyryńdar.

Jatyp kitap oqymańdar

Kitapty jatyp oqý bel aýrýyna jol ashady. Alǵa qaraı ıilgendikten omyrtqanyń qalpy ózgeredi. Dál sol sıaqty tósekte noýtbýkpen jumys istemeńder.  

Tósek tańdaýǵa mán berińder

Tósek qatty da, jumsaq ta bolmaý kerek. Ortopedıalyq ereksheligi bar tósekter beldiń saýlyǵyn saqtaıdy.

Aıaqkıimderiń aıaqtaryńda erkin tursyn

Ásirese áıelderdiń uzaq ýaqyt bıik óksheli aıaqkıim kıip júrýleri qaýipti bolýy múmkin. Óıtkeni búkil omyrtqanyń aýyrlyq ortalyǵy ózgeredi. Búkil salmaq belge túsedi.

---