Bilim mınıstri test tapsyra almaǵan muǵalimder jazalanbaıtynyna ýáde etti
QR Bilim jáne ǵylym mınıstri Erlan Saǵadıev ulttyq biliktilik testileýin tapsyra almaǵan muǵalimderge eshqandaı jazalaý sharalary qoldanylmaıtynyna ýáde etti.
«Mamyr aıynda muǵalimder ulttyq biliktilik testileýin tapsyrýdy bastaıdy. Eger de kópshiligi ózderiniń biliktiligin dáleldeı almasa, onda biz eshqandaı jazalaý sharalaryn qabyldamaımyz. Erejege sáıkes, olar test tapsyrmasa, onda burynǵy dárejesimen jáne eńbekaqysymen jumysyn jalǵastyrady. Muǵalimderge qatysty eshqandaı quqyqtyq saldar qarastyrylmaıdy», - dedi mınıstr.
Sonymen qatar ol ákimdikterdiń áldebir kvotalar engizip, muǵalimderge jazalaý sharalary qoldanylatyndyǵymen qorqytyp jatqandaǵy týraly sybystar mınıstrlikke jetip jatqandyǵyn aıtty.
«Biz osyndaı qadamdarǵa barmaýdy ótinemiz. Muǵalimderde ulttyq biliktilik testileýine daıyndalýǵa qajetti ýaqyty bolýy kerek. Sonymen qatar pedagogtar ony qashan tapsyrsa da ózderi biledi. Sáıkesinshe, eshqandaı da májbúrleý bolmaýy kerek», - dedi BǴM basshysy.
Onyń sózine qaraǵanda, atalǵan testileýdi tapsyrýǵa óz erkimen 60 myń muǵalim jazylǵan. «Bul óz kezeginde muǵalimder ózderiniń biliktiligine senimdi ekenin, óz pánin jaqsy biletinin bildiredi. Ol 26 mamyrda bastalyp, birneshe kúnge sozylady», - dedi ol.
QazAqparat
You Might Also Like
-
Qyzylorda qalasy, úsh tilde oqytatyn mamandandyrylǵan synyptary bar daryndy balalarǵa arnalǵan «Murager» mektebiniń 10 synyp oqýshysy - Erkin Aıda Erkinqyzy
-
Úı tapsyrmasyn berý – kóptegen elderde mektep ómiriniń qalypty jaǵdaıyna aınalǵanymen, keıbir elderde onyń kóp bolýy balalardyń oqýǵa degen yntasyn tómendetedi dep esepteıdi.
