Ertede bir qatynnyń boıjetken qyzy bolypty. Eki botasy bir ingenge tel bolypty. Úıine bir qonaq qonyp: «Qyryqtyń biri - qydyr!» - dep, toıǵyzyp, syılap salypty. Tań sáride qatyn túregelse, eki botany ıt-qus typ-tıpyl qylyp ketipti. Túıe bozdap, azynap tur deıdi. Sonda qatyn eki búıirin taıanyp, otyra qalyp, daýys qylyp botasyn joqtaǵany:

Boz ingen bozdap tur-aý botasyna,
«Qonaǵym qydyr bolǵan» - jatasyń ba?
Qydyr bolǵan kisige qydyr-daǵy
Men sıeıin qonaqtyń batasyna!
Eki botam bar edi qaýypy maı,
Qara maldan az edi-aý saýynym-aı!
«Keshki qonaq qydyr!» dep, jurt aıtady,
Endi qonaq jolatpan aýylyma-aı!
Esik aldy qara sý, baldyry bar,
Baldyryna atyńdy shaldyryp al.
Aıdap kelgen botamdy baılap salmaı,
Erke qarym, uıqyńdy qandyryp al!
Eki botam bar edi, bota-aq edi,
Qonǵan jerim botaǵa ot-aq edi.
Aıdap kelgen botamdy baılap salmaı,
Erke qardyń izdegeni qonaq edi.

---