Boztorǵaılar
Boztorǵaılar (Alaudidae) — torǵaılar otrádyna jatatyn saıraǵysh qustar tuqymdasy. Qazaqstanda 6 týysqa jatatyn 13 túri bar. Boztorǵaılar shól, shóleıt jáne qıyr-shyqtasty jazyq dalada, taý jaıylymynda, eldi meken mańynda, keıde orman alańynda kezdesedi. Dene turqy 12 — 23 sm. Qanattary uzyn, aıaqtary qysqa. Artqy barmaǵynda uzyn tyrnaǵy bar. Ádette, túsi bozǵylt, kóbinese, mekendegen jeriniń túsine qaraı ózgerip otyrady. Bul qasıeti qusty jerde júrgende jasyryp, birden kózge baıqatpaıdy. Uıa salmaǵan kezde, toptasyp ushady. Bulardyń ishinde eń kóp kezdesetini — boztorǵaı (Alauda arvensis). Onyń qanatynyń uzyndyǵy 8,5-14 sm, salm. 30-48 g. Ol Qazaqstannyń shóldi dalasynan basqa aýmaǵynda keńinen taraǵan.
Boztorǵaılar jerdegi shuqyrlarǵa uıalap, oǵan 2 — 6 tarǵyl jumyrtqa salady, keıbir túrleri jylyna 2 ret jumyrtqalaıdy. Balapandarynyń denesin, ásirese, jonyn qalyń mamyq japqan. Boztorǵaılar — jyl qusy. Olar qystaý úshin kúzde ońtústiktegi jyly aımaqtarǵa ushyp ketedi, qysy jumsaq jyldary Qazaqstannyń ońtústik aýdandarynda qystap qalady. Boztorǵaılar ósimdik dánimen jáne jándiktermen qorektenedi. Aramshópterdiń de dánin jep, aýyl sharýashylyǵyna paıda keltiredi.
You Might Also Like
-
Býmyn qaǵan (? — 552 j) — túrkilerdiń ózderi «Máńgi el» dep ataǵan áıgili Birinshi Shyǵys Túrki qaǵanatynyń negizin qalaýshy tarıhı uly tulǵalardyń biri. Onyń alǵash tarıhqa tan...
-
Momyshuly Baýyrjan (1910-1982) — ekinshi dúnıejúzilik soǵystyń dańqty jaýyngeri, halyq qaharmany, qazaqtyń kórnekti jazýshysy. Týǵan jeri Jambyl oblysynyń Jýaly aýdanyndaǵy Kólbastaý mekeni. Baý...
