InfoHub Logo

BUT nemese bul test burynǵy testiden ózgerek…— Balam! “BUT”-ty qalaı tapsyrdyń?

— BUT emes, bapa, “UBT” — ulttyq biryńǵaı test.

— Biz sózbe-sóz, “týra” aýdarýshy edik qoı. ENT — edınoe nasıonalnoe testırovanıe emes pe?

— Iá.

— Al, ENT — BUT emeı nemene?! Biryńǵaı ulttyq testileý bolady.

— Qoıshy, bapa, báribir emes pe.

— Báribir emes, balam, men osy ENT-ińnen áýelde-aq sekem alǵam. Aqyry aýdarǵasyn TBU deı salý kerek edi.

— Nege, tipti úılespeıdi ǵoı?!

— Nege úılespeıdi TBU — telefonmen bal urlaý degen sóz, ol testileýler qalaı ótip jatqanyn bilemin…

— Qoıshy, bapa, qaıdaǵyny…

— Qoımaımyn! Bir aýyz, jaǵyńdy ashpaı, pálen pánnen “tochka” qoıyp memlekettik emtıhan tapsyrǵan da bolady eken-aý? Bara-bara robot bolasyńdar. UBT-nyń astarynda “ultty biryńǵaılap topastandyrý” jatyr, balam! Adam balasy mal emes, ony biryńǵaılaýǵa bolmaıdy. “Sıpyrǵa baǵynatyn zaman bolady, atyńdy árippen emes, sıfrmen ataıtyn kez kele jatyr” dep otyratyn apam marqum. Aıtqany keldi. Deıstvıtelno “maldanyp” baramyz. Qulaǵymyzǵa nómirli syrǵa taǵý ǵana qaldy. RNN, Sık, Mık, kod-shtrıh.

— Asyqpa, bapa, ol da bolar!

— Óı, malades, myna sóziń esti qıqardyń sózi ǵoı. Seniń mıyńdy basqalarmen biryńǵaılaýǵa bolmaıtynyn myqtap uǵyn. Sen Qultemir emessiń! Osy betińnen qaıtpa, kitapty oqı ber, oqı ber.

— Uqtym, bapa!

— Qansha bal aldyń BUT-tan, toıys UBT-dan?

— 90 bal.

— Taǵy bir 10 balǵa “tochkań” jetpedi me?

— “Tochka” jetti, suraǵy jetpedi.

— Jetpegeni qalaı?

— “Jynym” kelgen suraqtarǵa “suraq” belgisin qoıyp jiberdim.

— Malades! Qandaı suraqtar boldy?

— Qoıshy bapa, túkke turmaıtyn suraqtar bar, aıtýǵa uıat.

— Uıat ta bolsa, bileıik te?

— Kýtýzovtyń qaı kózi joq? Oń jaǵy men sol jaǵy ma?

— Sen qaı jaǵy dep jaýap berdiń?

— Ortańǵy kózi joq dedim.

— Durys, malades istegesiń! Taǵy qandaılar bar?

— Maqtaralda ne ósedi, Qaraǵandyda ne óndiriledi? — degen suraqtarǵa: “Maqtaralda kómir ósedi, al Qaraǵandyda maqta óndiredi” dep jiberdim.

— Óı, mynaýyń naǵyz týpoı suraq qoı.

— Týpee ne byvaet, bapa! Osyndaı suraqtarǵa jaýap berý úshin 11 jyl oqyppyn! Ári qaraı tipti masqara suraqtar bar.

— Aıta otyr, shynymen “qyzyq” bop barady.

— Qulager saǵatyna neshe kıllometrmen shapqan?

— Sen ne dediń?

— Ol kezde spıdometr bolǵan joq dep jazyp jiberdim.

— Mundaı suraqty mıy jetip kim qoıdy eken?

— Jazýshy-dramatýrg, memlekettik syılyqtyń ıegeri Pálen Túgenov neshe bólmeli páterde turady — degen de suraq boldy, bapa.

— Áı balam-aı, Pálen Túgenovtyń neshe bólmede turatynyn bilmeseń nesine ekzamǵa bardyń, ózińde de bar eken ǵoı!

— Qoıshy, bapa! “Jylqy táýligine neshe lıtr sý ishetinin bilmeseńder, nesine qazaqpyz dep júrsińder, uıat emes pe, qazaqy rýh qaıda, bilimderiń taıaz” dep komısıa músheleri urysqanyn qaıtersiń?

— Solaı dep uryssa, durys olardiki! Nege oqymaısyńdar?! Kýtýzovtyń qaı kózi joq ekenin bilmeı ne betterińmen BUT-qa, toıys UBT-ǵa bardyńdar?! Qabanbaı batyrdyń Qýbas atynyń neshe tisi baryn bilmeseńder, nesine qazaqpyn dep júrsińder?! Semenov Tánshanskııdiń qaısysy famılıasy ekenin de bilmeısińder me? Ony bilý senderge — paryz ekenin nege uǵynbaısyńdar! Eshe Qazaqstannyń bolashaǵymyz deısińder.

— Qoıshy, bapa, bıylǵy BUT-taryn da UBT-laryn da dál ákeń…

— Áı! Áı! Toqtat, sabyr balam sabyr!

---