InfoHub Logo

QR Mádenıet jáne sport mınıstrligi janyndaǵy saraptamalyq keńes qoǵamdyq mańyzy bar 56 shyǵarmany bekitti. Kelesi jylda atalǵan eńbekterdiń bári basylyp shyǵady.

«Memleket avtorlarǵa árbir baspa tabaq úshin 150 myń teńge qalamaqy tóleıdi. Máselen, 20 baspa tabaq bolatyn ortasha kitapqa shamamen 3 mln teńge beriledi. Avtorlardyń basym bóligi - jas jazýshylar. Metr aǵalarymyzdan eki-úsheýi ǵana bar. Sebebi ol kisiler kezinde óz shyǵarmalaryn jarıalaǵan. Biz bolsaq, osy ýaqytqa deıin jaryq kórmegen shyǵarmalarǵa basymdyq berip otyrmyz», - deıdi ákimshilik departamentiniń dırektory Erenaı Dárjibaev.

Onyń aıtýynsha, qoǵamdyq mańyzy bar shyǵarmalar 9 baǵyt boıynsha irikteledi. Sonyń ishinde ensıklopedıalyq jáne anyqtamalyq, balalar jáne jasóspirimder, mádenıet jáne óner, kórkem-tanymdyq, qoǵamdyq, ǵylymı-kópshilik jáne aýdarma ádebıetter bar. Bıylǵy konkýrstan ótken barlyq shyǵarmalarǵa búdjetten 150 mln teńge bólinip otyr. Árbir kitap 5 000 danamen basylyp, respýblıka boıynsha barlyq kitaphanalarǵa taratylady.

Sonymen, bıylǵy konkýrs boıynsha baspaǵa beriletin shyǵarmalarǵa Juldyz Toıbektiń «Keýdeme kókala úırek kelip qonsa» kitaby, Joltaı Almashev - «Besik ushqan kún», Rapılbek Nıazbek - «Arǵymaqtar dalasy», Aıtýar Ótegenov - «Sherqala», Nurlan Orazalın - «Kókjal dáýiri» - «Vremá volchısa», Talas Omarbekov - «Qazaqtyń shyǵý tegi», Tynymbaı Nurmaǵambetov - «Rýhtan jerden ketedi», Ahmet Áshirov - «Baýrchýk Art Tekın», Ǵalymjan Meldeshov - «Jýrnalıs jolǵa shyǵady», Janat Aıtmuhambet - «Qysh taqtaıdaǵy syna jazý», Bıbigúl Imanǵazına - «Taýqymet», Qýanysh Jıenbaı - «Kúzdiń jyly jańbyry», Qýandyq Túmenbaı - «Jasyl janyp turǵanda», Qulbek Ergóbek - «Baıansyz», Aıbat Kepterbaev - «Kóktemniń móldir tamshysy», Janbolat Aýpbaı - «Tabıǵat terezesi», Qarashash Toqsanbaı - «Syr-symbat», Telman Nýrahýnov - «Qanlıq óstáń», Bamysh Bahytbek - «Sóz máıegi», Tolymbek Ybyraıym - «Taǵdyr syıy», Elen Álimjan - «Anajar», Tóregeldi Tuıaqbaı - «Tórt toǵys», Ǵalym Árip - «Dybystar dirili», Qapez Qojahmetov - «Qalamger áýleti», Nurjan Qýantaev - «Júsipbek Aımaýytulynyń kósemsózi», Arasanbaı Estenov - «Kóne kentter kúmbiri», Beıbit Qoıshybaev - «Tarıh jáne tulǵa», Zará Jumanova - «Aqbota», Tursyn Jurtbaı - «Joly bolǵan jolaýshy», Dánesh Ahmet - «Búldirgen qalyń shyqqan», Nurlytaı Úrkimbaeva - «Men syrlasamyn», Bolat Úsenbaev - «Kúreń kúz», Zıaz Tóleýova - «Qulaǵan úıdiń qupıasy», Eldos Toqtarbaı - «Jaryq sáýle», Nurǵalı Orazov - «Appaq bult», Aqylbek Shaıahmet - «Senim», Serikbaı Baıhonov - «Altaı asý», Janat Ahmadıev - «Qazymbet qazy», Tórehan Maıbas - «Myńqysh», Júsipbek Qorǵasbek - «Mehnat Hám hıkmet», Turlybek Mameseıit - «Mestberkýta», Esmuhan Obaev - «Bári..bári...esimde», Serik Erkimbekov - «Orkestrovka opery M.Týlebaeva «Qozy Kórpesh - Baıan Sulý», Abaı Qulbaev - «Legenda stepeı», Amankeldi Muqan - «Teatrda týǵan tolǵamdar», Qýandyq Shamahaı - «Naızaǵaıly jyldar jańǵyryǵy», Amangeldi Myrzabek - «Álem ádebıetiniń áńgimeleri», Gúlfaıraz Dalbaǵaı - «Sazsyrnaı aspabyna arnalǵan hrestomatıa», Lázzat Spanqulova - «Ekonomıkalyq etúdter», Kámel Júnistegi - «Velıkıı syn stepı Edıge», Bolat Bodaýbaı - «Taına staroı tetradı», Dandaı Ysqaquly - «Til epopeıasy nemese rýhanı jańǵyrýdaǵy qazaq tiliniń tarıhı mısıasy», Karl Baıpaqov, Dmıtrıı Voıakın jáne Meıram Seıtqalıev - «Jetytobe: Kýrgany sakskoı znatı v dolıne Talas», Aleksandr Garkaves - «Velıkaıa Step v antıchnyh ı vızantııskıh ıstochnıkah» jáne «Codex Cumanicus» endi.

Aıta keteıik, kelesi konkýrs 2018 jyly aqpan aıynda bastalady. Sol kezde respýblıkalyq aqparat quraldary arqyly habarlandyrýlar beriledi.

QazAqparat

---