InfoHub Logo

Kóben baıdyń qıanat-zorlyǵymen túrmege túsken Daırabaı bir kúni oraıyn taýyp, qashyp shyǵady ǵoı. Sol betinde, boı tasalaý úshin Qorǵaljyn kóliniń qalyń qamysyn panalaıdy. Ný qamysqa boılaı enip, aralap kele jatyp, bir qasqaldaqtyń uıasyna tap bolady. Uıaǵa úńilip qarasa, eki-úsh sary úrpek balapan aýzyn ashady deıdi. Daırabaı osynaý qorǵansyz tirshilik ıesin es kórip, sol jerdiń quraǵyna tize búgedi. Sýyldaǵan qamys, shyryldaǵan balapan úni, shet-shegi joq keń dúnıe, aldy-artynyń ushyǵy jetkizbes ýaqyt... Balapandar ústin kóleńke shalsa boldy, shyryldap aýzyn ashady. Anasynan jem kútedi... Al kókte jalpyldap japalaq ushady, jaltyldap turymtaı qalyqtaıdy. Qaraıǵannyń bárinen qaıyrym kútken balapandardyń kez kelgen sátte japalaq pen turymtaıǵa jem bolýy ońaı...

Sonda bul balapandar osynaý jaryq jalǵan, keń dúnıege ne úshin keldi?! Ne kórdi?! Ne tyndyrdy?! Daırabaı óz ómirin uıadaǵy sary úrpek balapandarmen salǵastyrady. Panasyz beıbaq balapandarǵa muńdasyndaı eljirep qarap, jan dúnıesi qulazı tolǵanady...

Keıin osy kórinis, osy bir sezim Daırabaıdyń esine qaıta-qaıta oralyp, aqyry kúı tiline túsip edi deıdi.

 

---