InfoHub Logo

...Daırabaı Altaı rýynan Sarmantaı elinen ekeni ras, ol asa myqty balýan jigit bolǵan. Ári ánshi, ári dombyrashy, biraq óte kedeı bolǵan. Onyń jamaǵaıyny Kóben degen baı kisi bolady. Ol ári maqtanshaq, atqumar sarań da bolady. Daırabaıdyń jalǵyz bıesinen týǵan Qara kók bestisi asa júırik bolady. Ony Kóben tolyq qunyn bermeı alyp báıgege qosady. Kók besti aldyna jylqy salmaǵan júırik bolyp, búkil Arqa elin adaqtaǵandaı, úzdik aty shyqqan júırik bolady. Arqada bir úlken as bolyp, kók at báıge alady. Sol joly Daırabaı bas balýanǵa túsip jyǵady. Bar báıgeni Kóben jıyp alady. Daırabaıǵa túk bermeıdi de, Daırabaı alys bir elde naǵashysy bar eken, soǵan baramyn dep Kóbennen at suraıdy. Kóben bermeıdi, soǵan ókpelep Daırabaı bir kúni kók atty urlap alyp shólge qashady.

Altaı ishinen shyǵyp Qarakesek ishinde Karson, Kerneı aýyldaryna keledi. Sonda birneshe kún jatyp, asa bir jaqsy kúı tartady. Bul kúı er jigit elimen, týysy ósken jerimen qoshtasýyndaı óte muńdy da, órshelengen erlikte túıdektelip aıtylyp jatqandaı bolady.

 

---