InfoHub Logo

«Dybystar eline saıahat»
Maqsaty: Tabıǵat qubylystaryn, tabıǵattaǵy ásemdikke mán bere baqylaýǵa úıretý, tabıǵat týraly túsinikterin molaıtý. Balalardyń sózdik qoryn baıytyp, dybystardy durys aıtyp, daýysty jáne daýyssyz dybystardy ajyratyp, jumbaqtar sheshý arqyly oılaý qabiletin damytý.
Bilimdilik: Balalardy jyl mezgilderin ajyratýǵa úıretý.
Damytýshylyq: Oılaý este saqtaý qabiletterin damytý, sózdik qoryn molaıtý.
Tárbıelik: Balalardy tabıǵatty aıalaı bilýge uqyptylyqqa tárbıeleý.
Qajetti kórneki quraldar: Kóktem týraly sýretter. Orman kórinisi, qýyrshaq Aınara, Aısulý qyz.
Bılıngvızm: Kóktem - vesna, baqa - lágýshka, qýyrshaq - kýkla
Ádis - tásilderi: Túsindirý, kórsetý. Tárbıeshi: Balalar búgingi biz oqý is - áreketimizde kóktem týraly áńgimelesemiz. Qazir men senderge mýzyka tyńdatamyn. Sender mýzykadan qandaı áser alǵandaryńdy, mýzykada ne týraly jazylǵanyn aıtyp beresińder.
Balalar: Balalar mýzykany qyzyǵýshylyqpen tyńdaıdy. Suraqtarǵa jaýap beredi.
Tárbıeshi: Al senderge myna jumbaq óleń joldaryn oqımyn, sender muqıat tyńdap otyryńdar.
Aq qar erip, sý kóbeıip,
Saı – salaǵa tolady
Aǵash basy búrshik shashyp
Gúl báısheshek tolady,
Bóbekterim aıtyńdarshy Bul qaı kezde bolady?
Balalar: Kóktem
Tárbıeshi: Nege kóktem dep oılaısyńdar?
Balalar: Kóktemde jerde qar erıdi, kún jylynady
Tárbıeshi: Kóktemde neshe aı bar?
Balalar: naýryz, sáýir, mamyr.
Tárbıeshi: Kóktem qaı aıdan bastalady?
Balalar: Naýryz aıynan bastalady.
Tárbıeshi: Kóktem aıynda qandaı merekelerdi toıladyq?
Balalar: 8 naýryz halyqaralyq Áıelder kúnin, 22 naýryz merekesin.
Tárbıeshi: Kóktem mezgilinen qandaı ereksheligi bar?
Balalar: Aǵashtar búrshik jarady, qurt - qumyrsqa tiriledi.
Tárbıeshi: Balalar qarańdarshy bizge qonaq kelip qalǵan eken. Endeshe qonaqpen tanysaıyq.
Ǵajaıyp sát:
Qýyrshaq: Sálemetsińder me, balalar. Meniń atym Aınala.
Balalar: Tańyrqaı qyzyǵa qaraıdy. Qýyrshaqpen amandasady.
Tárbıeshi: Balalar, Aınara atyn durys aıtty ma? olaı bolsa, biz Aınaraǵa dybystardyń durys aıtylýyn úıreteıik.
Balalar: Durys emes
Tárbıeshi: Aınara qaı dybysty durys aıtqan joq.
Balalar: Ol «r»dybysynyń oryna «l»dep aıtty
Tárbıeshi: Aınara, sen balalarǵa renjime, dybysty durys aıtýdy bizben birge úırenýine bolady. Balalar dybystar qandaı bolady?
Balalar: Dybystar daýysty jáne daýyssyz dybys bolyp bólinedi
Tárbıeshi: Endeshe balalar «Dybystar eline saıahatqa» barǵylaryń kele me?
Balalar: Ia
Tárbıeshi: Balalar men senderge Aısulý degen qyzdyń basynan ótken hıkaıalary týraly aıtyp bereıin. Ertede Aısulý degen qyz bolǵan eken. Ol bir kúni anasynan ruqsat suramaı úıden shyǵyp serýendep ketedi. Kele jatyp ný ormanǵa tap bolady. Kún ashyq. Kóktemniń shýaqty kúni. Balalar sender ormanda jabaıy ańdar, qustar, jándikter ómir súretinin bilesińder. Aısulý orman ishimen aıandap kele jatyp qustardyń daýsyn estıdi. Ol qustardy aıyrý úshin, olardyń únine qulaq túrip tyńdaıdy. Al balalar men senderge qustar týraly jumbaq jasyramyn. Sender sheshýin taýyp, olardyń qalaı dybystaıtynyn aıtasyńdar.
Jumbaq:
Qonyp alyp talǵa
Qarqyldaıdy qarǵa
Balalar: Qarǵa
Tárbıeshi: Balalar qarǵa qalaı dybystaıdy?
Balalar: Qar - qar - qar
Tárbıeshi: Aısulý odan ári kele jatsa qalyń shóptiń arasynan ysyldaǵan dybysty estıdi. Qyz jylandy kórip keri sheginedi. Jylan oǵan basyn kóterip aıbat shegedi.
Jylan qalaı dybystaıdy?
Balalar: Jylan ysyldaıdy
Tárbıeshi: Balalar Aısulýdy jylannan qutqarýǵa kómekteseıik pe?
Balalar: Ia
Tárbıeshi: endeshe jylannyń tapsyrmasyn oryndaıyq.(sýretke qarap áńgime qurastyrý)
Balalar: sýret boıynsha áńgimeleıdi.
Tárbıeshi: Aısulý ábden sharshap qaljyrap qaıtar joldy taba almaı orman ishimen kele jatyp ósip túuǵan ádemi gúlderdi kórip qýanyp ketedi. Olardy ıiskep turǵanda qulaǵyna taǵy bir dybys estiledi. Bul gúldiń shyrynyn jınap júrgen aralar bolatyn.
ara qalaı dybystaıdy eken?, baqa qalaı dybystaıdy?
Balalar: Aralar j - j - j - j, baq - baq
Sergitý sáti:
Aspandy bult torlaıdy
Jańbyr jaýdy sebelep
Kishkene aǵash túbine
Jasyrynyp qaldy sur kójek
Jel kelip bıleıdi gý - gý
Daýyl kelip bıleıdi ý - ý
Qatty - qatty jel jaqsy
Japyraqtar qol soqty
Qoıan: sen kimsiń nege jylap otyrsyń?
Qyz Aısulý: Aısulý qoıanǵa óziniń anasynan ruqsatsyz ketip qalyp adasyp júrgenin aıtyp beredi.
Qoıan: Qoıan meniń tapsyrmamdy oryndasań saǵan kómektesemin deıdi.
Qoıanyń tapsyrmasy:
«Sıqyrly sábiz»Sıqyrly sábizderdiń ishindegi dybystardyń daýysty jáne daýyssyz ekenin aıyryp, sebetke jınaý.
Balalar: qoıanyń tapsyrmasyn qyzyǵýshylyqpen oryndaıdy.
Tárbıeshi: Balalar sender qoıannyń tapsyrmasyn oryndaýǵa kómektestińder Qoıan Aısulýǵa úıine qaıtatyn joldy taýyp berdi
Káne kim dybystarǵa baılanysty jańyltpashtar biledi?
Jańyltpashtar:
Joǵaldy bes shybysh
Joq áli esh sybys
Joǵaldy bes shybysh
Joq áli esh sybys

Jaǵajaı, jaǵajaı
Jaǵajaıda qamajaı
Jaǵajaıdy jaǵalaı
Júgiredi – Qamajaı

Zaýza ushady zyńyldap
Zymyransha zyryldap
Zálim záý zyńǵyrlar
Zárý me záý zyńǵyrlar.
Tárbıeshi: Endi balalar dıdaktıkalyq oıyn oınaıyq «Óz túsindi tap» Oıynyń sharty: Oıynnyń sharty boıynsha balalar berilgen sýrettegi zattyń atyn, qandaı dybystan bastalatynyn aıtyp, ózine qajetti tústi ataıdy.
Balalar: Oıynǵa qyzyǵýshylyqpen qatysady.
Tárbıeshi: Jaraısyńdar balalar búgin sender tapsyrmany durys oryndadyńdar. Búgin bizder qaıda bardyq?
Balalar: Saıahatqa
Tárbıeshi: Ormanda neniń dybystaryn tyńdadyq?
Balalar: Jylan, ara, baqa, qarǵa
Tárbıeshi: Qonaqqa kim keldi?
Balalar: Aınara
Tárbıeshi: Qandaı dybystardy úırendik?
Balalar: Daýysty jáne daýyssyz dybystardy
Qortyndy: Suraq jaýap arqyly oqý is áreketin qorytyndylaý.
Balalardy madaqtaý.
kútiletin nátıjesi:
Balanyń bilýi: Kóktem mezgiliniń erekshelikterin biledi.
Balanyń meńgerýi: Daýysty daýyssyz dybystardy aıyrady.
Balanyń jasaı alýy: Sýret boıynsha áńgime qurýdy, oıyndy uıymshyldyqpen oınaıdy, jańyltpashtardy jatqa aıtady.