InfoHub Logo

Eńseli elimizdiń keregesi keń, terezesi ózge memlekettermen teń bolýyna birden bir sebepker- Elbasy N.Á.Nazarbaev-  búginde álem moıyndaǵan suńǵyla saıasatker. Kóregendi kóshbasshymyzdyń memleketimizdiń búgini men bolashaǵy úshin atqarǵan isteri ǵana emes, sonymen birge ǵıbrat bererlik qanatty sózderi de barshaǵa úlgi bolarlyq. Elbasynyń  Otan, el taǵdyry, táýelsizdik, ulttyq sana jáne  adamdyq asyl qasıetter, ómirlik murat jaıyndaǵy oı- tolǵamdarynyń qaı- qaısysy  bolmasyn, tereń taǵylymǵa, ósıet-ónegege  toly. Olaı bolsa,  bıik parasat ıesiniń  qanatty sózderi sizge de oı salary sózsiz. Oqyp kórińiz!

 Adam máńgi jasamaıdy, máńgi jasaıtyn- onyń isi.

 Mańdaı termen tuzdamasań dámińdi,

Júregińmen terbemeseń ánińdi,

Óziń-daǵy uǵa almasań mánińdi,

Ómir emes,

Kóshirme ol- kádimgi.

 Men áldebir qısyndardan góri aqylǵa qonymdy qarapaıym isterdi artyq sanaımyn.

 Adamnyń ár isi- jasaǵan barlyq jaqsylyǵy men jamandyǵy keıingi urpaqtar tarapynan ádil baǵasyn almaı qoımaıdy.

 Adamdarǵa aqyl-parasat óz ómirin jaqsartý úshin berilgen.

 Ómirde naǵyz tabysqa – adamdarǵa jáne óz eline paıda ákeletinder ǵana qol jetkizedi.

 Adam oqýǵa qabiletin joǵaltqan kezden bastap qartaıǵandyq bel alady.

 Tulǵa bolý degenimiz jaýapty bolý degendi bildiredi.Ol úshin aǵynmen maltı bermeı, belsendi bolý qajet.

 Adamdar ıadronyń qýatyn meńgerýdi úırendi, biraq ózderin basqarýdy úırene almady. Olar adamǵa degen senimin joǵaltyp, ıadrolyq qýatqa sený senimine ıe boldy.

 Adam óziniń qaıda bet alǵandyǵyn anyq kórgen kezde ǵana bıikke qaraı kúsh- jigerimen umtylady.

 Adam álemniń jeti keremetiniń báriniń tarıhyn bilip,  biraq eń mańyzdy ári naǵyz keremetti: ár alýandyqqa toly dúnıeni bile almaýy múmkin.

 Ózi eshnársege jaýap bermeıtin adamnyń batyrsynýy, batylsynýy, ózgeni synaýy op-ońaı.  

 Baq-dáýlet, barsha ıgilik adamnyń óz qolymen jasalady.

 Umtylsań- utarsyń.

 Qazirgi báseke zamanynda qajyr-qaıratyń, ynta- jigeriń, tynymsyz izdenisiń bolmasa, kóshten qalý op-ońaı.

 Búgingi zamanda óziniń asqaq armanyna tek jańasha oılaıtyn, erik-jigeri mol, ózine senimdi adamdar ǵana qol jetkize alady.

 Jas azamat ózin árdaıym jan-jaqty  jetildirip otyrýy tıis.

 Adam keshegisimen, qazirgisimen jáne keleshegimen ómir súredi. Qazirgi sát tez ótedi, tez keshegige, ótkenge aınalady.Iaǵnı, biz ómir boıy keleshekke umtylýmen ǵumyr keshemiz.

 Adamzat balasy júzdegen myń shaqyrym qashyqtyqtaǵy Aıdyń betin zerttedi, alaıda aıaqasty derlik jerde jatqan teńiz túbiniń onnan bir paıyzy da zerttele qoıǵan joq.

 Jańa býyn ózgeristerden qaımyqpaı, kerisinshe, órshil, serpindi jobalardy usynýy tıis.

 Ózgeniń órine shyǵý úshin óziń de meımanyńa tórińnen oryn ber.

 Kez kelgen  máseleniń túp tamyryna kóz jibergen jón. Qudaı bizge az sóılep, ózimiz sıaqtylardy kóbirek tyńdap jáne túsiný úshin bir aýyz ben eki qulaq berdi.Demek, alýandylyq-Jer dep atalatyn planetadaǵy eń basty fenomen.

 Tek durys ustanym tabý, álemnen neni alatynyńdy jáne oǵan neni beretinińdi aıqyn túsiný ǵana turaqty damý men  ózge álemmen úılesimdi qatar ómir súrýdiń kepili bola alady.

 Kásipqoı bolý degen sóz- óziń shynymen de aınalysqyń kelgen ómirlik isti tańdaı bilý.Jáne onyń ózin jaqsy turǵyda júzege asyrý qajet.

---