InfoHub Logo

Astana qalasy boıynsha sıfrlyq saýattylyqty arttyrý kýrsynan ótkender sany 8644-ke jetti.  Bul týraly Astana qalasy ákimdigi habarlaıdy.

Sıfrlyq saýattylyqty arttyrý maqsatynda qala boıynsha jaz boıy 10150 adamdy oqytý kózdelgen.

«Kýrstyqala boıynsha 19 mekemede júrgizilip jatyr, onda 30 ınformatıka mamandary dáris berýde. Bilim alýshylarǵa dáris eki tilde, saǵat 10.00-nan 18.00-ge deıin ótkiziledi. Tyńdaýshylardyń barlyǵy kýrstan ótkendigi jóninde sertıfıkatpen marapattalady», —  dep atalyp ótti ákimdikte.

«Sıfrlyq Qazaqstan» baǵdarlamasy aıasynda ótkizilip otyrǵan kýrsqa qatysty bilim alýshylardyń oı-pikirleri ońdy. Olardyń aıtýy boıynsha bul kýrsqa qatysý barysynda biraz sıfrlyq biliktilikterin arttyryp, kóptegen saıttar men portaldarda jumys jasaýdy meńgergen.

«Jumys orynynan osyndaı múmkindik berip, tegin kýrsqa qatysýdamyz. Kýrs týraly estigende jas bolsam da alǵashqylardyń biri bolyp jazyldym. Kompúterden beıhabar emespin, alaıda esime túsirsem sońǵy ret stýdent kezimde budan 12 jyl buryn ǵana belsendi qoldanǵan ekenmin. Búgingi tańda kúndelikti ınternet arqyly tapsyrys berýdi jetik meńgerýdemin, Word-ta, Exel-de jumys jasaýdyń qyr-syrymen tanysýdamyn», — deıdi kýrsqa qatysýshylardyń biri.

Eske sala ketelik, 1 maýsym men 31 tamyz aralyǵynda Qazaqstannyń barlyq aımaqtarynda sıfrlyq saýattylyqty arttyrý maqsatynda tegin kýrstar jumysyn bastap ketken bolatyn. Árbir kýrsqa qatysýshy óziniń sıfrlyq biliktiligin 4 baǵyt boıynsha tegin arttyra alady. Atap aıtsaq:

1. «Bazalyq sıfrly biliktilik» boıynsha personaldy kompúterdi jáne noýtbýkti, mobıldik qurylǵylardy, Internet jelisin, sondaı-aq, derekterdiń qaýipsizdigi men qorǵalýyn jetik bilip shyǵady;

2. «Elektrondyq úkimet pen elektrondyq memlekettik qyzmetter» boıynsha úıde otyryp qajetti memlekettik qyzmetterdi elektrondy túrde alýbiliktiligin arttyrady;

3. «Ashyq úkimet» boıynshy biliktiliktiń tórt túrli komponentin qoldanýǵa bolady. Olar: ashyq derekter, ashyq normatıvti-quqyqtyq aktiler, ashyq dıalog pen búdjetter;

4. «Elektrondyq saýda» blogynda onlaın satyp alý, satý tárizdi biliktilikterin arttyrady;

Sondaı-aq, kýrs elimizdiń barlyq aımaqtarynda (aýdan ortalyqtary, aýyldar) júrip jatyr. Qazaqstannyń kez kelgen aımaǵy boıynsha 1414 nómirinen kýrstyń ótetin orny men kúni týraly aqparatty bile alasyzdar (qońyraý shalý tegin).       

---