«Eńbekshi qazaq» kórkeısin
«Eńbekshi qazaq» gazeti tórtke toldy.
1921 jyly asharshylyq-joqshylyq ýaqytynda týǵan qazaq eńbekshileriniń jas ulany beske aıaq basty. Jalpy keńes úkimetiniń jyl saıyn kúsheıýimen birge keńeske qaraǵan jalpy eldiń sharýashylyǵy jyl saıyn ońalýymen birge «Eńbekshi qazaq» gazeti de jóndelip keledi. Budan bylaı da jalpy sharýashylyqpen birge jóndele bermek. Gazettiń tájirıbesi ulǵaıa bermek. Gazet qyzmetkerleri tóselip, olardyń sany da arta bermek.
Gazet degen nárse burynǵydaı emes. Halyq arasynda jyl saıyn taralýy ulǵaıyp keledi. Gazetti oqýshylardyń sany da jyl saıyn kóbeıe bermek.
«Eńbekshi qazaq» gazeti — qazaqtyń eńbekshi tabynyń gazeti. Sol sebepti eńbekshi tapqa ǵana qyzmet qylyp, eńbekshi taptyń ǵana paıdasyn tileımiz.
«Eńbekshi qazaq» gazeti — eńbekshi taptyń aınasy bolsyn, kórkeısin «Eńbekshi qazaq!»
1925 jyl
You Might Also Like
-
Bir halyqtyń mádenıet retinde qandaı dárejede ekendigi sol halyqtyń hat biletinderiniń sanynyń kóp-azdyǵyna qarap bilinedi. Hat biletinderi kóp bolsa, ol halyq mádenıet, óner-bilim retinde artta qa...
-
Vrangeldi qurtqan soń, osy ýaqytqa sheıin dushpandyq qylyp kele jatqan Eýropa úkimetteri Keńes úkimetin lajsyz tanydy dep «Eńbek týynyń» 1-nómirinde aıtqan edik. Bul sóz qazir jaryqqa shy...
