InfoHub Logo

Qazaqstan Respýblıkasynyń Tuńǵysh prezıdenti kúnine oraı 2020  jyldyń 21  qarashasynda  saǵat 11.00 -de  ál-Farabı atyndaǵy Qazaq Ulttyq Ýnıversıteti Tarıh, arheologıa jáne etnologıa fakúltetiniń stýdentterimen(uıymdastyrýshy t.ǵ.k., dosent G.B. Qozǵambaeva)  onlaın formatynda  Elbasynyń synyptasy – Qarasaı aýdandyq ardagerler keńesiniń tóraǵasy Edige Isatuly Júnisbekov aǵamyzben kezdesý ótti. 

2012 jyly 1 jeltoqsan Qazaqstanda alǵash ret – Tuńǵysh Prezıdent kúni memlekettik mereke retinde atalyp ótip, bul barshamyz úshin qýanyshty oqıǵa boldy. Elbasyna degen el qurmetin aıryqsha aıǵaqtaýǵa arnalǵan bul merekeniń dástúrlik is - sharaǵa aınalýda orny erekshe.  Osy is-shara aıasynda, Almaty qalasy ákimdiginiń tapsyrysymen Qazaqstan Respýblıkasy Ulttyq  Pedagogıkalyq Akademıasy men Qazaq Ulttyq Ýnıversıtetiniń Tarıh fakúlteti birlese otyryp, Qarasaı aýdanynyń Qurmetti azamaty, Qarasaı aýdandyq ardagerler keńesiniń tóraǵasy, Elbasynyń  synyptasy, dosy Edige Isatuly Júnisbekov aǵamyzben kezdesý ótti. İs-shara barysynda Edige aǵamyz: "Mektepte birge oqyǵan synyptastary arasynda Nurekeń jastaıynan daralanyp turatyn, erekshe boldy, ol bizden góri áldeqaıda aqyldy, sol ýaqyttyń ózinde-aq  barlyq jaǵynan bıik boldy. Bala kezimizde  bir-birimizben tóbelesip te qalatyn ýaqyttar boldy. Al, Nurekeń eshkimmen arazdaspaıtyn, eshkimnen bólinip ketpeıtin jáne sabaq úlgerimi de óte jaqsy boldy. Ol mektep qabyrǵasynda oqyp júrgen kezdiń ózinde-aq onyń boıynan kóshbasshylyq jáne uıymdastyrýshylyq qabileti daralanyp turatyn. Qazaqstan Respýblıkasynyń Tuńǵysh prezıdenti, Elbasy -  N.Á. Nazarbaevty bárimiz de eń aldymen táýelsiz elimizdiń basynda turǵan tuǵyry bıik tulǵa retinde bilemiz. Respýblıkamyzda Elbasymyz  jemisti jetekshilik etken ýaqytta Qazaqstandy bıikke kóterip, dúnıejúzine tanytty, órkendetti, álemdegi mártebesin bıiktetip, abyroıyn arttyrdy. Saryarqanyń saıyn dalasynyń tórine aparyp ornyqtyrǵan elordamyz, bas qalamyz - Nur-Sultan qalasyn turǵyzdy. Bizdiń asa qymbatty Elbasymyzdyń týǵan halqy úshin istegen isteri eren, atqarǵan jumystary orasan. Tuńǵysh Prezıdentimizdiń  aldaǵy ýaqytta da týǵan eli úshin aıanbaı eńbek ete beretini anyq»,- dep  sózin qorytyndylady. İs-shara barysynda Edige aǵamyz Elbasymen  birge mektepte oqyǵan, jastyq shaq jyldary, eńbek etken jolyn stýdentterge áńgimelep berdi. Stýdentter tarapynan qoıylǵan suraqtarǵa jaýap berdi. 

Edige Isatuly stýdentterimizge jaqsy oqyp, bilim alýǵa búginde barlyq jaǵdaı jasalǵany týraly aıtyp, sáttilik tiledi. Kezdesýdiń úlken tárbıelik máni boldy. Elbasynyń eńbek jáne ómir jolymen  tanysqan stýdentter rýhanı azyq alyp, úlken áserge bólendi.

Ál-Farabı atyndaǵy QazUÝ Qazaqstan tarıhy kafedrasynyń dosenti, t.ǵ.k., Qozǵambaeva Gúlnár Bestibaıqyzy 

1 kýrs stýdenti: Namazbaı Baqbergen

---