InfoHub Logo

Elimizde «Qazposhta» AQ arqyly onlaın tapsyrys berip, saýda jasaýshylardyń deni jastar, onyń ishinde 59%- y áıel adamdar bolsa, 41%-y erlerdi quraıdy. Bul jóninde «Qazposhta» AQ elektrondy saýda departamentiniń dırektory Mustafın Sultan málimdedi.

«Qazposhta» AQ ár saǵat saıyn 10 myńnan astam jóneltimderdi qabyldap jiberip otyrady. Onlaın tapsyrys berip saýda  jasaıtyndardyń kópshiligi jastar. Qazaqstanda elektrondy saýdany damytýshy, tapsyrys berýshi qalalar esebine Almaty qalasy birinshi oryndy quraıdy, bul paıyzdyq kórsetkishpen 70%», – dedi Mustafın Sultan.    

2016 jyly Qazaqstanǵa jetkizilgen posylkalardyń sany 15,3 mln. birlikti qurady, onyń ishinde sýpermarketter arqyly - 553 myń, 2017 jyly - 21,9 mln., sýpermarketter arqyly – 1,8mln., al 2018 jyly bes aıda - 11,6 mln., sýpermarketter arqyly - 2 mln. Poshtamattar arqyly, 2017 jyly 500 myń posylka jetkizilse, aǵymdaǵy jyldyń basynan bastap bul kórsetkish - 306 myńdy qurap otyr.

«Búgingi tańda «Qazpochta» AQ jáne basqa da poshta ákimshilikteri elektrondyq saýda naryqtyń basty draıveri ekenin anyqtady. Sebebi poshtanyń elektrondyq saýdany damytýdan basqa, ınternet-dúkenderden, qarjylyq tehnologıalardan jáne de basqasynan bólip qarasaq, jetkizip otyrý negizgi qyzmeti jáne ereksheligi bolyp otyr. Iaǵnı neǵurlym jetkizý jyldamyraq bolsa, onda adamdar onlaın satyp alýdy soǵurlym kóbeıtip otyrady», – dep aıtyp ótti ol.

2018 jyldyń alǵashqy 5 aıynda Qazaqstanda elektrondy komersıa naryǵynyń kólemi 101 mlrd. teńgeni qurap otyr. «Qazpochta» AQ boljamyna sáıkes, jyldyń sońyna deıin bul kórsetkish 302 mlrd. teńgege deıin ósedi jáne bólshek saýdanyń 2,9%-yn quraıdy.

Sondaı-aq, S. Mýstafın «Qazpochta» AQ-nyń mańyzdy baǵyttarynyń biri Qazaqstanda elektrondyq komersıany damytýmen qosa, elektrondyq komersıaǵa tikeleı baǵyttalǵan birqatar jobalar bar. Kompanıada iri aımaqtarǵa posylkalar EMS Kazpost jetkizý qyzmeti arqyly táýlik saıyn jetkiziletinin atap ótti.

Aıta ketelik, ekspress poshta qyzmeti (EMS) - álemniń 200 eline jedel jóneltimderdi jetkizý qyzmeti. Qazaqstanda bul qyzmetti «EMS-Kazpost» kompanıasy kórsetip otyrady, ol jedel jáne shuǵyl qujattardy jáne júkterdi Qazaqstanǵa alys-jaqyn shetelderdiń kez kelgen núktesine jyldam ári tıimdi jetkizýdi qamtamasyz etedi. Ár tutynýshy EMS jóneltimderiniń jumys barysy jóninen «Qazpochta» AQ www.kazpost.kz saıtynda nemese EMS Kazpost Call-center operatory arqyly habardar bolyp otyrady.

---