InfoHub Logo

Aqtóbe oblysy Oıyl aýdany
«J.Júsibalıev atyndaǵy Oıyl qazaq orta mektebi» KMM
ınformatıka páni muǵalimi Nazarova Gýljanat Jýsıpkalıevna

Google pishinderi — Google qyzmetteri jelisindegi taǵy bir keremet qural, ony Google eseptik jazbasy bar kez kelgen adam paıdalana alady.
Qyzmet ınterfeısi Google Keste nemese Google Qujatqa óte uqsas. Osy qoldanbalardyń kez kelgenimen buryn jumys istegen adamǵa, Google Forms-ti meńgerýde qıyndyqtar bolmaıdy.

 
Google pishinderiniń múmkindikteri

Google pishin quraldarynyń múmkindikteri óte keń.
Google pishinderi mynalar úshin paıdalanylady:
Pishin arqyly bos oryndar men test tapsyrmalaryna jaýaptar alýǵa yńǵaıly. Bir jaqsysy, jaýaptardy qabyldaýdy retteýge bolady óshire alýǵa ne ýaqyt qosýǵa, jaýap qabyldaýdy toqtatýǵa, tapsyrmany ýaqytynda tapsyrýǵa úlgermegender sizdi alańdatpaıdy.
Saýalnamalar men zertteýler júrgizý  úshin servısti qoldanýdyń eń tıimdi baǵyttarynyń biri. Kez-kelgen salada ásirese naryqty osylaısha zertteý yńǵaıly. Nelikten bul ıdeıa halyqqa qyzyqty boldy nemese qyzyq emes dep boljaýǵa bolady. Ol úshin saýalnama quryp  áleýmettik jelige silteme jiberýge bolady.

İs-sharalar ótkizý. Mysaly, siz qyzmetti vebınarlardy uıymdastyrýǵa arnalǵan basqa quraldarǵa balama retinde paıdalana alasyz jáne oǵan qatysýshylardy tirkeı alasyz.
 

Pikirlerdi jınaý. Erkin formadaǵy sholýdy jazý árqashan qıyn  jáne ýaqyt jumsaýdy qajet etedi. Biraq daıyn suraqtarǵa 5 mınýt bólip jaýap berý - nege joq. Tipti ne suralatyny qyzyq ta bolady.

Bilimdi tekserý. Google Forms-ti paıdalanyp emtıhan, test, monıtorıń basqa da túrli tapsyrmalardy ázirlep esh shyǵynsyz bilimdi tekserýge bolady. Bul úshin barlyq múmkindikter qarastyrylǵan: durys jaýaptardy, ár suraqqa upaı sanyn kórsetýge, sýreti bar tapsyrmalardy tipti arnaıy qondyrma arqyly test tapsyrý ýaqytyn shekteýge bolady t.b

Abonentter týraly aqparat jınaý. Aqparattyq búletenge jazylý pishini ádette kóbirek kontaktilerdi jınaý úshin eń az derekterdi suraıdy. Degenmen, keıinirek tutynýshylardy segmentteý úshin olar týraly kóbirek derekterdi tabýǵa tyrysýǵa bolady. Bul jerde Google Forms paıdaly bolady.

Qandaı paıdasy bar

Tegin qol jetkizý. Bul qyzmettiń eń mańyzdy artyqshylyǵy. Bul aqy tóleýdiń qajettiligi joq eń  yńǵaıly quraly bolyp tabylady.
Yńǵaılylyq pen qarapaıymdylyq. Qyzmetti paıdalaný úshin sizge tek Google eseptik jazbasy qajet jáne ınterfeısti bir saǵat ishinde, tipti odan da az ýaqyt ishinde meńgerýge bolady. Sonymen qatar, kez kelgen qurylǵydan pishinmen jumys isteı alamyz jáne áriptesterimizben nemese basqa da adamdarmen bólise alamyz .

Jan-jaqtylyq. Pishinder tapsyrmalardyń keń aýqymyn sheshý úshin qoldanylady.
Statısıkalyq málimetterdiń bolýy. Servıs jeke suraqtarǵa da, jeke respondentterge de jaýaptardy taldaýǵa múmkindik beredi. Egjeı-tegjeıli taldaý jáne syzba qurý úshin derekterdi Google Sheets qyzmetine birneshe ret basý arqyly eksporttaı alasyz.

Google pishinin qalaı jasaýǵa bolady

Bastaý úshin Google Forms qoldanbasyna ótip, ózińizge qolaıly úlgini tańdańyz nemese nólden bastap óz úlgińizdi jasańyz.
Konstrýktor ashylady, onda oń jaqtaǵy quraldar taqtasyn paıdalanyp pishindi jınaýǵa bolady. Pishinge suraq, sýret, beıne, sıpattama nemese jańa bólim qosýǵa bolady. Sonymen qatar, suraqtardy qaıta jasamas úshin basqa pishinnen ımporttaýǵa bolady.

Kez kelgen pishin elementin bloktyń joǵarǵy jaǵyndaǵy alty núkteni súıreý arqyly kez kelgen orynǵa jyljytýǵa bolady

Aıaqtalǵan pishindi synaǵyńyz kelse, aldyn ala qaraý rejımin ashý úshin kózdi basyńyz.

Qandaı suraqtar qoıýǵa bolady

Pishinniń negizgi elementi - suraqtar. Suraq qosý úshin quraldar taqtasyndaǵy túımeni basyńyz

 
Kelesi qadamda suraq ataýynyń oń jaǵyndaǵy qoljetimdi opsıalardan qajetti suraq túrin tańdaý qajet.

 
Mátin (jol) jáne mátin (abzas). Aty-jónin, mátin jazý nemese óz pikirińizdi bildirý sıaqty ózińiz jaýap berýdi qajet etetin suraqtar úshin qoldanylady. Bul rette suraq bar bloktyń tómengi oń jaq buryshyndaǵy úsh núkteni basý arqyly jaýaptardyń durystyǵyn tekserýdi ornatýǵa bolady. Parametrlerde habarlamanyń eń az nemese maksımaldy uzyndyǵyn kórsetýge jáne tipti engizilgen elektrondyq poshtanyń durystyǵyn tekserýge bolady.

Tizimnen bireýi. Respondentterge usynylǵan jaýaptardyń bireýin tańdaý nemese óz jaýabyn jazý usynylady. Mundaı suraq paıdalanýshyny saýalnamanyń basqa bólimine qaıta baǵyttaýǵa jáne tipti tańdalǵan jaýapqa baılanysty pishindi dereý jiberýge múmkindik beredi. Ol úshin tómengi oń jaq buryshtaǵy úsh núkteni basyp, «Ár jaýap úshin áreketti tańdaý» opsıasyn tańdańyz.

Tizimnen birnesheý. Respondentke bir nemese birneshe jaýap nusqasyn tańdaý, sondaı-aq «Basqa» órisinde óz nusqasyn kórsetý usynylady.

Ashylmaly tizim. Jaýap nusqalary tym kóp bolsa, ashylmaly tizimnen jaýaptar tańdaýy bar suraqty qosqan durys. Suraqtyń bul nusqasy arqyly tizimnen bir ǵana jaýapty tańdaýǵa bolady.

Faıldardy júkteý. Jaýapty tańdaýdyń ornyna respondent óz faıldaryn júktep salýy kerek. Faıldyń tıpi men maksımaldy ólshemi baptaýlarda kórsetilgen.

Masshtab. Suraqtyń bul túri kez kelgen kórsetkishti baǵalaý qajet bolǵan jaǵdaıda qolaıly. Siz shkalany 0 nemese 1-den bastaı alasyz jáne 2-den 10-ǵa deıin qalaǵanyńyzsha kóptegen belgilerdi qosa alasyz. Sondaı-aq, respondent siz engizgen sandar neni bildiretinin túsinýi úshin jáne shkalanyń basy men sońyna jazýlar qosýǵa bolady, sáıkesinshe reıtıń.

Tor (birneshe tańdaý). Suraqtyń bul túri aldyńǵyǵa uqsas, biraq munda birneshe parametrdi shkala boıynsha baǵalaý qajet. Bul jaǵdaıda árbir jol úshin bir jaýapty nemese birneshe (qusbelgi tory) tańdaýǵa bolady.

Kún. Jaýap retinde respondent kúntizbeden kúndi tańdaıdy. Siz ózińizdi tek kún men aımen shekteı alasyz nemese suraq bar bloktyń tómengi oń jaq buryshyndaǵy úsh núkteni basý arqyly parametrlerge jyl men ýaqytty qosa alasyz.

Ýaqyt. Respondentten belgili bir ýaqytty saǵattar men mınýttarmen nemese uzaqtyqty saǵattarmen, mınýttarmen jáne sekýndtarmen engizý suralady. Qajetti opsıany parametrlerde tańdaýǵa bolady. Bul suraq túri brondaý, jetkizý ýaqytyn tańdaý nemese kezdesý úshin paıdaly.

Suraq túrin tańdaǵannan keıin suraqtyń ózin jazyp, jaýap nusqalaryn tizimdeý qalady.
Árbir suraqty mindetti etýge, kóshirýge nemese joıýǵa, sondaı-aq sıpattamany qosýǵa jáne jaýaptardy aralastyrýǵa bolady.

Qoldanylǵan ádebıetter
1. Gýgl formy. Instrýksıa po prımenenıý. I.I.Týsheva, 2021 g
2. https://www.wrike.com/ru/blog/ispolzovanie-shablonov-google-form-dlya-mgnovennoj-obratnoj-svyazi/
3. https://www.youtube.com/watch?v=VjOB5pumo7U

---