InfoHub Logo

Business Insider basylymy Hyperloop One kompanıasy usynǵan alǵashqy Hyperloop kapsýlaly tasymaldaý júıesiniń vıdeokonseptisine kópshiliktiń nazaryn aýdardy. Kompanıa atalǵan tasymaldaý júıesiniń qurylysyn Dýbaıda iske asyrmaq.

2016 jyldyń qarasha aıynda Hyperloop One kompanıasy Dýbaı bıligimen seriktestik kelisim shartqa otyrǵandyǵyn málimdedi. Basshylyq Hyperloop tasymaldaý júıesi arqyly Dýbaı men Ábý-Dabı qalalaryn qospaq. Tanystyrylym aıasynda kompanıa Hyperloop jolynyń konseptisin de tanystyryp ótti. Ondaǵy kapsýlalar saǵatyna shamamen 1125 kılometr jyldamdyqpen qozǵala alady. Al jol ýaqyty 12 mınýtty quraıdy.

Birikken Arab Ámirlikterindegi jolaýshylarǵa arnaıy baǵdarlama usynylady. Ol arqyly jolaýshylar mejeli jerge qalaı jetýge bolatyny jóninde bile alady.  

Bul qosymshaǵa Hyperloop tasymaldaý júıesindegi sapar kestesi de engiziledi.

Eger qoldanýshy Hyperloop opsıasyn tańdasa, qosymsha mejeli orynǵa jetý joldaryn kórsetip, aldaǵy sapardaǵy qadamdardyń barlyǵyn anyqtap beredi:

Qoldanýshy qalaaralyq qatynasqa arnalǵan kapsýla túrin tańdaýy tıis. Boljam boıynsha, jolaýshylarǵa kapsýlalardyń birneshe túri usynylady. Mysaly, jalǵyz nemese birneshe adamǵa arnalǵan, iskerlik kezdesýler, dáris ótkizýge nemese demalýǵa arnalǵan kapsýlalar.

Kapsýla jolaýshyny ózdiginen Hyperloop júıesine jetkizedi. Qurastyrýshylardyń jospary boıynsha, Dýbaı – Ábý-Dabı baǵytynda 120 kapsýla jumys isteıdi. Olar saǵatyna 8 500 jolaýshyny tasymaldaý múmkindigine ıe.

Jolaýshylarǵa arnalǵan kapsýlalar úlkenirek kapsýlalarǵa ornalastyrylady. Olardyń árqaısysyna 4 kapsýladan syıady.

Mundaı kapsýlalardyń úsheýi jolaýshylar, bireýi júk tasymalyna arnalǵan.

Hyperloop One kompanıasy ınjenerlik salasynyń basshysy Djosh Gıgeldiń pikirinshe, bolashaqta Hyperloop tárizdi qatynas kóliginiń keń suranysqa ıe bolatyndyǵy sonsha, jolaýshylar metromen bir deńgeıde qoldanatyn bolady.

Jolaýshylar jaıǵasqan kapsýla Hyperloop qubyrynan qozǵalǵannan keıin, kádimgi joldarmen jolaýshylar tańdaǵan jerge baǵyt alady.

Dýbaıdyń «Býrj-Halıfa» ǵımaratyndaǵy Hyperloop One aıaldamasy osyndaı sıpatta bolady:

Dýbaıdaǵy Hyperloop One tasymaldaý júıesiniń tujyrymdamasy:

Hyperloop qubyrlary kógildir syzyqtarmen, al stansıaǵa jetken kapsýlalar ótetin joldar alqyzyl túspen belgilengen.

Kapsýlalardyń qozǵalysyn basqarý ortalyǵyndaǵy mamandar qadaǵalaıdy.

Business Insider atap ótkendeı, bastapqyda Hyperloop One kompanıasy tasymaldaý júıesin júk tasymaly úshin qoldanbaq bolǵan. Biraq 2017 jyldyń aqpan aıynda jolaýshylardy da tasymaldaıtynyn málimdedi.

---