InfoHub Logo

1937 jyldyń kúzinde Grýzıa halqynyń uly aqyny Shota Rýstavelıdiń týǵanyna 750 jyl tolýy toılandy. Osy toıǵa Qazaqstan Respýblıkasynan da qonaqtar shaqyrylyp, eń syıly qart qonaq Jambyl aqyn bardy. Jákeń bul jolynda buryn júrmegen alǵys jolyn júrdi. Qıyr jerlerdi kerdi. Ásirese burynǵy qıssalarda, ertegilerde aıtatyn Qap taýyn — Kavkaz taýyn kerdi. Kavkazda mekendegen taý elin, Grýzıa elin kórip, aıryqsha tamashalady. Uly Stalındi ushyrǵan uıany kórdi.

Osy kergen tamashasyn Jambyl ádemi jyrymen sýrettep, aıtyp berdi. Jambyldyń Kavkazǵa arnaǵan jyry osy jolǵy alǵan áserinen, súısingen, qyzyqqan júreginen shyǵyp edi. Osy saparynda Jákeńniń qasynda bolǵan jas jazýshylar Jákeńniń keıbir eleýli sózderin, bolǵan jerlerin kúndelik etip jazyp ta otyrǵan.

Jambyl ózi de osy jolǵy júrisinde kórgen tamashalaryn, qyzyqqan, súısingen nárselerin áńgime etip te aıtyp otyrady eken. Ásirese Grýzıa eliniń kelbetterin óte jaqsy kórgen: «At erindi, er muryndy» degen qazaq eliniń maqalyn aıtyp: «Adamdary qoshqar tumsyq, er kelbetti eken. Áıelderi appaq, kózderi qaraqattaı, shashtary ári uzyn, ári qundyzdaı qara bolady eken. Átteń, jas kúnim bolmady, áıtpese bir qyzdy alyp qashsam da áketer edim», — dep qaljyń da aıtqan.

---