InfoHub Logo

Bıyl «Nur Otan» partıasynyń bastamasymen qolǵa alynǵan joba aıasynda oblysta 277 İT-synyby ashylady. Bul týraly partıanyń baspasóz qyzmeti habarlady.

Osyǵan oraı, 3 tamyzda SHQO-da bilikti mamandar daıarlaıtyn İT-ortalyqta BAQ ókilderine arnalǵan pres-týr ótken edi. Qazirgi tańda bul jerde «Nur Otan» partıasynyń tegin İT-synyptary jobasyn júzege asyratyn 544 muǵalim oqyp jatyr. Aıta ketý kerek, İT-synyptarynyń jańa baǵdarlamasyn Semeıdiń «Elektr texnıkalyq koleji» qurastyrdy.

Búginde barlyq mektepterde 10+1 jabdyqtalýy boıynsha kabınetterge zamanaýı kompúterler jáne 3D prınterler ornatylý ústinde. Al muǵalimder belsendi túrde Elektr texnıkalyq koleji negizinde ashylǵan İT-ortalyqta oqytylýda. Bes aptanyń ishinde ustazdar tek vızýaldy baǵdarlamalaý men 3D modeldeý negizderin ǵana emes, Web-dızaın men robottandyrylǵan júıeni de meńgeredi.

Oqý prosesi nebári 5 aptaǵa sozylady. Onda teorıalyq bilimmen qatar praktıkalyq jumysta qarastyrylǵan eken.

«Dáris baǵdarlamasy İT baǵyttyń jan-jaqty negizderin qamtıdy. Oqytý ýaqyty 5 aptany quraıdy. Onyń úsheýi teorıalyq bilimge jumsalsa, qalǵany tájirıbelik jeke jumystaryna arnalady», – deıdi kolej dırektory Azat Sárpekov.

Taǵy da aıta keterligi,bıyldan bastap búkil Qazaqstan boıynsha «1000 İT-synyp» ashý josparlanyp otyr. Bul bilim alýshylarǵa bolashaqta óz septigin tıgizbek.

«Osy jyldan bastap «Nur Otan» partıasy 22 jańa jobany qolǵa aldy. Solardyń biri – búkil Qazaqstan boıynsha balalardy tegin oqytatyn «1000 İT-synyp» ashý. Bul joba memlekettik standartpen qarastyrylǵan ınformatıka sabaǵyn almastyrmaıdy. Balalarǵa arnalǵan qosymsha bilim jáne bolashaqta kásibı baǵdarlaýda óz yqpalyn tıgizedi», – dep atap ótti «Nur Otan» SHQOF tóraǵasynyń orynbasary Oleg Chýgýnkov.

SHQO ákiminiń orynbasary Ásem Núsipovanyń aıtýynsha, IT-synyptarda oqytý baǵdarlamasy ár túrli jasqa beıimdeip jasalǵan. Máselen, 3 pen 5 synyptarǵa anımasıasy bar oıyn kúıinde berilse, 5-ten 8 synyp aralyǵy kúrdelileý bolady. Iaǵnı, İT-baǵdarlamalaýdy úıretedi. Al, 8 ben 11 synyptarda praktıkalyq nusqada bolmaq. Oǵan «Mehatronıka», 3D baǵdarlamalaý kiredi. İT-synyptaryndaǵy oqytý bilim baǵdarlamasynyń varıatıvti bóligi arqyly júzege asatyn bolady.

Dáris aıaqtalǵan soń bilim alýshylarǵa arnaıy sertıfıkattar beriledi. Ony qorytyndy tapsyrmany oryndaǵan, baǵdarlamany tolyq meńgergen muǵalimder ala almaq.

---