InfoHub Logo

2020 jyldyń 28 qarasha kúni Almaty oblysy, Kúrti aýdany, Aqshı aýlynda "Habar" agenttiginiń Almaty oblysyndaǵy menshikti tilshisi, telejýrnalshy Ardaq Aıbarulynyń “Tamyrymdy búlkildet jylǵaly óleń” atty alǵashqy jınaǵynyń tusaýkeseri ótti. Bul sharaǵa Almaty, Nur-Sultan, Oral, Taldyqorǵan qalalarynan kelgen ótkir tildi jýrnalıser qatysty. Aqshı aýylynyń turǵyndary da osy shyǵarmashylyq keshtiń qýanyshty kýágerleri atandy. Adam sany koronavırýs indetiniń taralýyna baılanysty 50-den aspady. Jýrnalıserdiń ishinen attary tarıhta qalatyn, tereń oıly ardager tilshi Tileýqabyl Myńjasar atamyz ben İle aýdanynyń qurmetti azamaty, Qazaqstan jýrnalıser odaǵynyń múshesi, jergilikti “İle tańy” gazeti bas redaktorynyń orynbasary Aıdarbekova Roza Maratqyzy kitaptyń tusaýyn kesip, izgi nıeteri men tilekterin aıtyp, aq batasyn berdi. Bul keshte kitaptyń ǵana emes, "Aqshıim" atty ánniń de tusaýy kesildi. Atalǵan ándi alǵashqylardyń biri bolyp oryndaý baqyty Turǵynalı Daýytov aǵamyzǵa buıyrdy. Kitaptyń ózine keletin bolsaq, óleńderindegi oı oramdary, taqyryp tańdaý men ony júrekke uıalata bilýdegi ózine ǵana tán sáýlesi birden erekshelenip tur. Sondaı-aq qysqa bolǵanymen tushshymdy ári qyzǵylyqty órilgen áńgimeleri oqyrmandardyń kóńilin birden aýlaıtyny sózsiz. Kitaptyń bas betterinen bastap Ardaq Aıbaruylynyń áriptesteriniń qaldyrǵan pikirleri bederlengen. Birinshi bolyp aqyn, Qazaqstannyń eńbek sińirgen qaıratkeri Janarbek Áshimjan, -Qolymyzǵa tıgen qoljazbany oqyp shyqqan soń, Ardaqtyń qalamynyń kórkemdik qýatyna rıza boldyq. Negizinen, lırıkalyq aǵysqa qurylǵan Ardaq óleńderinde ómir, qoǵam, zaman tynysy óte shynaıy sýrettelgen. Avtor qandaı taqyrypqa qalam terbese de, óte nanymdy jáne shuraıly jazady. Jan dúnıeni jaryp shaqqan oıdy kórkemdik deńgeıge kóterý – qalam ıesiniń birinshi paryzy”,- dep atap ótken. Oıymdy qorytyndylaı kele, Ardaq Aıbarulyna alǵysymdy bildirip, bas ıemin. Sebebi jańa urpaq úshin bul kitap naǵyz qorek. Kitap zaman aǵymyna saı jazylyp, Elbasymyzdyń “Rýhanı jańǵyrý” atty baǵdarlamasymen ushtasyp tur.

Kýlbaeva Aılına Kanatqyzy ABYLAI HAN ATYNDAǴY QAZAQ HALYQARALYQ QATYNASTAR JÁNE ÁLEM TİLDERİ ÝNIVERSITETİNİŃ 1-kýrs stýdenti

---