InfoHub Logo

Maýsym aıynan bastap barlyq JOO-lar qujattardy elektrondy túrde qabyldaı bastaıdy. Bul týraly QR Bilim jáne ǵylym mınıstri Ashat Aımaǵambetov onlaın konferensıada aıtty.

«Sıfrlandyrý máselesi óte ózekti bolyp tur. Biz bıyl birinshi ret sıfrlyq rejımde UBT tapsyrýǵa qujattardy qabyldadyq. Aldyńǵy jylmen salystyrǵanda qujattardyń sany biraz kóbeıdi. Sıfrlandyrý máselesi ary qaraı da bizdiń basty nazarymyzda bolady», — deıdi QR Bilim jáne ǵylym mınıstri Ashat Aımaǵambetov.

Onyń aıtýynsha, endi JOO men kolejderge qujat qabyldaý naýqany bastalady. Bul máseleni de qazirgi jaǵdaıǵa sáıkes durys jolǵa qoıyp, tıimdi iske asyrý kerek. «Jyl saıyn 300 myńnan astam túlek kolej ben JOO-ǵa qujattar tapsyrady. Qujattar paketi fotosýret, kóshirme, kýálikten jáne basqa da 6 qujattan turady. Bul qujattardy jınaý úshin shamamen 4 myń teńge ketedi. Jyl saıyn osyndaı qujattardy tapsyrýǵa 1 mrld teńge jumsalady. Sonymen qatar qujattardy baryp tapsyrý, kezekke turý kerek. Mundaı qajetsiz kezekke turýdy boldyrmaý úshin qujattardy qabyldaýdy avtomattandyrý kerek. Bıyl barlyq bilim berý uıymdaryna qabyldaý Elektrondyq úkimet portaly arqyly júzege asyrylady. Portalda kishkene apattyq jaǵdaı oryn alǵandyqtan, onyń qalaı júzege asyrylatynyn qazir kórsete almaımyz. Maýsym aıynan bastap barlyq JOO-lar qujattardy elektrondy túrde qabyldaıdy», — deıdi Bilim jáne ǵylym vıse-mınıstri Rústem Bıǵary.