InfoHub Logo

Bul týraly Jańaózen qalasynyń ákimi Elýbaı Ábilov Mańǵystaý oblysynyń ákimimen kezdesý barysynda habarlady, dep jazady tumba.kz.

Elýbaı Ábilov Óńirlerdi damytý baǵdarlamasynyń aıasynda 2015-2017 jyldary monoqalalardy damytýdyń keshendi jospary men 2012-2020 jyldarǵa arnalǵan áleýmettik-ekonomıkalyq problemalardy sheshý jospary sátti iske asyrylyp jatqanyn atap ótti. 2016 jyldyń qorytyndysy boıynsha, mektepke deıingi 3-6 jastaǵy balalardy  oqytyp, tárbıeleýdi qamtý 72,23%-dy qurady,  oblys boıynsha ortasha kórsetkish  -  83,5%. 

«Jańaózen qalasynda №18 mektepte balalar úsh aýysymda oqysa, №19, 21 mektepterde qaýip baıqalatynyn habarlady. Bıyl Nurly jol baǵdarlamasy boıynsha 320 oryndyq 3 orta mektepti salý bastaldy. Qurylys Raýan, Rahat jáne Araı aýdandarynda júrip jatyr. Iaǵnı, 2018-2019 oqý jylynda 3 aýysymdyq oqytý bolmaıdy. Buǵan respýblıkalyq búdjetten 4,3 mlrd. teńge bólindi», - dep habarlady qala ákimi E. Ábilov.

Oblys ákimi Eraly Toǵjanov úsh mektep qurylysyn 2018 jyly naýryzda aıaqtaýdy tapsyrdy.

Sondaı-aq, qala mektepterinde pedagogıkalyq, medısınalyq mamandar tapshylyǵy máselesi kóterildi. Qala boıynsha fızıka, matematıka, orys tili, bıologıa pánderi boıynsha 45 muǵalim jáne 60 dáriger jetispeıdi.

---