InfoHub Logo

«Jańashyl muǵalim» respýblıkalyq baıqaýy Bilim Land sıfrlyq bilim berý platformasynyń uıymdastyrýymen 2015 jyldan beri ótkizilip keledi. Baıqaýǵa bastaýysh, orta, arnaıy orta jáne ınklúzıvti bilim berý mekemeleriniń 4000-nan asa pedagogi qatysyp úlgerdi. Baıqaýdyń negizgi maqsaty – muǵalimniń tájirbıesinde sıfrlyq resýrstardy qoldanýdyń ozyq úlgisin qalyptastyrý.

Pandemıaǵa baılanysty ótken oqý jylynyń kókteminde «Jańashyl muǵalim – 2020» baıqaýynyń ekinshi kezeńin ótkizý ýaqytsha toqtatylǵandyqtan, jańa oqý jylynyń basynda atalmysh baıqaýdy jalǵastyrý jáne oǵan fınalısterden (baıqaýdyń ekinshi kezeńiniń nátıjesi boıynsha 733 pedagog Sertıfıkat aldy) bólek, el pedagogteriniń barlyǵyn baıqaýǵa qatysýǵa shaqyrý týraly sheshim qabyldandy. 2020 jylǵy 23 qazannan 19 jeltoqsanǵa deıin baıqaýǵa qatysýshylardyń barlyǵy tańdalǵan atalymdar boıynsha jumystaryn vıdeo  formatynda (15 mınýttan aspaýy tıis) joldaýy tıis.

Atalymdar:

– «Dástúrli sabaqtaǵy AKT»;

– «Onlaın sabaqtaǵy AKT» – JAŃA ATALYM;

– «Tárbıe jumysyndaǵy AKT»;

– «Mektepke deıingi bilim berýdegi AKT».

Baıqaýdyń júlde qory ár atalymǵa 500 000 teńgeden 2 000 000 teńgeni quraıdy. Budan basqa, baıqaý talaptaryna saı jumystaryn joldaǵan qatysýshylardyń barlyǵy Alǵys hattarmen marapattalady.

Baıqaýǵa kelip túsken jumystardy táýelsiz saraptama komısıasy baǵalaıdy. Baıqaý qorytyndysy 2020 jyldyń sońyna deıin shyǵarylyp, OnlineMektep.org, bilimland.kz saıttary men Facebook (@BILIM Land), Instagram (@bilimland.kz) áleýmettik jelilerinde jarıalanady.

Baıqaýǵa qatysý sharttarymen tolyǵyraq kelesi silteme boıynsha bile alasyzdar: https://bilimland.kz/kk/contests/zhangashyl-mugalim/zhangashyl-mugalim-2020

Biz mektepke deıingi jáne orta bilim beretin barlyq pedagogti baıqaýymyzǵa qatysýǵa shaqyramyz.

Call-ortalyq: +77079449595, support@bilimmail.kz.

---