Jantásilim
Jaryqtyq jaqyndarym-aı! Qanshama kóz kórip, jaqyn júrgen zamandastarym «dúnıe tirshiliginiń ý da shý dýmany úzilmesinshi» degendeı, jaryq dúnıeniń esigin yń-shyńsyz aqyryn ǵana jaýyp, joqtyqqa jutylyp — ketip jatyr, ketip jatyr, ketip jatyr.
Sol kisilerdiń barynsha qarapaıym, izetshil, keńqoltyq, ázil-qaljyńy egiz júretin minezin, jasyn túskendeı shatyrlaǵan ashýyn kóz aldyńa elestetseń-aq kóńiliń, beıne, kóshi ketken jurttaı qulazyp qoıa beredi.
Keýdeńe orny tolmas ókinish sezimi tolady.
Shirkin-aı, degiń keledi sonda!.. eshkimniń kóńiline tımeıinshi... eshkimdi renjitpeıinshi... ...myna jaryq jalǵanda búgin ǵoı keýde kerip, tákapparsyp júrsek — taǵy erteń joqpyz ǵoı desip, kósilip otyryp syr shertkiń keledi.
Tereńirek kúrsinip, tereńirek tynystaǵyń keledi.
«Kóńil qulpyn kóbirek ashaıyqshy. Jaryq jalǵannyń esigin aqyryn-aqyryn jabaıyqshy» degiń keledi. Uly adamdardyń kóbiniń jantásilim aldyndaǵy, sońǵy demi úziler kezdegi jalǵyz aýyz sózi: «Esik» bolypty. Pýshkın: «Esikti jabyńyz!» — depti. Lev Tolstoı men músinshi Mıkelandjelo Býonarrottı: «Úlken esik...» — dep úzilipti.
You Might Also Like
-
Do in Rome as Romans do — rımdikter ózin qalaı ustasa — Rımde ózińdi sen de solaı usta degen danalyq áli kúnge kúshin joıǵan joq.
-
Qaryqbol taqaýda onǵa shyqqan. Sabaq bitken soń ıen taýda, shalǵyndy jaılaýda otyrǵan úıine kelgen. Aınala qulaqqa urǵan tanadaı tym-tyrys. Kókesi qulyn baılaıdy, apasy bıe saýady. Bir aı ótti me, ót...
