InfoHub Logo

Maqsaty men mindetteri: Janýarlardyń tabıǵattaǵy jáne adam ómirindegi róli, janýarlar dúnıesin qorǵaý týraly túsinik berý.
1. Bilimdilik: janýarlardyń kóptúrliligi, meken ortasy týraly túsinik berý, toptaryn ajyrata bilý. Ómir tájirıbesinen biletinderi men sýret arqyly alǵan uǵymdaryn sabaqtastyryp jazyp aıtýǵa úıretý.
2. Damytýshylyq: áńgimeleý, sıpattaý, taldaý, baqylaý qabiletterin damytý; belsendilikterin damytý;
3. Tárbıelik: tabıǵatty qorǵaýǵa tárbıeleý:
Sabaq túri: jańa taqyrypty tanystyrý sabaǵy
Kórnekilikter: sqemalar, janýarlar sýretteri
Ádis - tásilder: toptyq, taldaý baqylaý, áńgimeleý, oıyn, satylaı keshendi taldaý.
Sabaq júrisi: İ. Uıymdastyrý bólimi:
Oqýshylarmen amandasý, ózin tanystyrý. Inter taqtadan vıdeo kórsetý.
Óz synybymen tanystyrý. Olardyń berip jibergen sálemdemelerimen tanysý.

İİ. Psıhologıalyq daıyndyq
Maqsatymyz – bilim alý
Mindetimiz - eńbektený
Sabaqqa jaqsy qatysyp,
«5»- ke qoldy jetkizý
Ár toptyń aldynda meniń synybym bergen sálemdemesi bar, syrtynda ár toptyń aty jazylǵan.
Synypty 3 topqa bólý.
1 top: Adamdar toby
2 top: Janýarlar toby
3 top: Ósimdikter toby
Ár toptyń ózime kómekshi tańdap alǵym kelip otyr, eń jaqsy oqıtyn oqýshy bolý kerek.
Olar tilshi, ádebıetshi, bıolog bolady, bizge tapsyrmalar beredi.
1. Oqytý úrdisiniń mańyzdylyǵy:
Bıolog: Ótkendi qaıtalaý:
Sýrettegi janýarlarda ata
Ol janýarlar týraly ne bilesiń?
Sútqorekti janýarlar dep nelikten aıtady?

Óte jaqsy, endi kezekti tilshiniń tapsyrmasyna nazar aýdaraıyq.
Tilshi: Balalar, qazir sendermen «Tez, ári naqty jaýap ber» oıynyn oınaımyz.
1. Ósimdikter neshe topqa bólinedi?
2. Ósimdikterdiń alýan túrliligin, ereksheligin qalaı bilemiz?
3. Ylǵal súıgish ósimdikterdi ata?
4. Ósimdikterdiń qandaı paıdasy bar?
5. Ósimdikter qansha jyl tirshilik etedi?
6. Jaryq súıgish ósimdikterdi ata?
7. Ósimdik álemi adamnyń qamqorlyǵyna ne úshin muqtaj?
8. Ósimdikter elimizde qalaı qorǵalady?
2. Jańa tapsyrmalardy qalyptastyrý:

Ádebıetshi:
Sózjumbaq dıktant jazdyrý.
1. Janýar sózin kópshe túrde jazyp, (- dyń jalǵaýyn qosyp aıtqandaǵy sózdi jaz. 1 - t
2. Orny aýysqan áripterdi ornalastyryp jaz: tabıǵattyǵy – abıtaǵatyǵyt 1 - t
3. Myna áripter men dybystardan sóz qura: jáne - e, n, j, á. 2 - t
4. 2 a, 1d, 1m áripterinen sóz qura: adam 2 - t
5. Artyq áripterdi alyp tastaǵandaǵy sózdi jaz: ómirindegi - kómirtindezegi 3 - t
6. Ol mashınada bolady, sol sózge – i qosymshasyn qosyp oqy. 3 - t
Qandaı sózder quradyq oqyp kórelikshi, sonda bizdiń búgingi sabaǵymyzdyń taqyryby shyǵady.

3. Oı shaqyrý.
Myna baılanysty anyqta:

Janýar------ósimdik --------adam
Janýarlar bir - birimen qandaı baılanysta

Sergitý sáti: Áýen júredi.
Ádebıetshi:
Janýarlardy atpaımyz,
Jasyl shópti baspaımyz.
Tabıǵatty qorǵaımyz,
Aǵashtardy satpaımyz.
Qol kótersem soltústik
Top - top bassam ońtústik
Qoldy sozsam jan - jaqqa
Kórsetedi baǵytty
Batys penen Shyǵysty
Iilip sálem bereıik,
Ekvator belde dep
Beldi buraı qozǵasaq,
Saǵat tili Batysqa
Jer aınalar Shyǵysqa.
4. Kitappen jumys.
Endi bárimiz kitapqa qarap mátindi jalǵastyra oqıyq.
Taldaý, túsiný, talqylaý.
Tilshi: Oqylǵan mátin boıynsha suraqtar beremin, sol suraqtarǵa naqty jaýap berińder.
1. Janýarlardyń tabıǵattaǵy jáne adam ómirindegi róli týraly áńgimeleńder.
2. Ne sebepti keı janýarlardy sanıtarlar dep ataıdy?
3. Qandaı janýarlardy adam dosy dep sanaıdy? Nege?
5. Jańa bilimdi bekitý:
Bıolog: Endi búgingi sabaqta qaralǵan máseleler boıynsha oqýshylar qandaı bilim aldy, sony tekserip kóreıik.

6. Satylaı keshendi taldaý:
Janýardyń aty
Janýarlar toby
Qaı jerde mekendeıdi?
Nemen qoreqtenedi?
Paıdasy
Zıany
Óz pikiriń

7. Ekologıalyq esepter:
1. Bir ıleýdiń qumyrsqalary 1táýlikte 20 myń zıankes jándikterdi qurtady. Al úsh táýlikte qansha zıankesterdi qurtady? (60 myń)
2. Eger bir borsyq bir kúnde 1kg jándikter men tyshqandardy jeıtin bolsa, 1 aptada qansha zıankesterdi jeı alady? (7kg)
3. 1 Bulan qys ýaqytynda táýligine 12kg shóp jeıdi eken. 2 bulanǵa táýligine neshe kg shóp kerek? (24kg)
4. Eń iri toqyldaqtyń denesiniń uzyndyǵy 50sm. Osyndaı 3 toqyldaq denesiniń uzyndyǵy qansha bolady?(150 sm)
5. Aq aıýdyń dene turqy 3m, salmaǵy 1000kg deıin jetedi. Osyndaı 2 aıýdyń salmaǵy qansha bolady?(2000kg)
6. Toqaltister aıazdy kúnderi uıyqtaıdy. Sondyqtan olar qorekti kóp jınaıdy. Keıbir inderde 4kg deıin dán jınalady. Osyndaı 3 inde neshe kg dán bolady? (12kg)
8. Sabaqty qorytý:
Ádebıetshi: Ózderińe unaıtyn janýar týraly áńgimele:

Tilshi: Balalar búgingi sabaq unady ma?
Bıolog: 1. Qandaı taqyryppen tanystyq, qaı jumys sizderge unady?
9. Baǵalaý: kesteni ózderi toltyryp upaı sanyn sanaý, baǵalaý.
5 baǵa - 7 - 9 upaı
4 baǵa - 4 - 6 upaı
3 baǵa - 2 - 3 upaı

Sonymen 3 top birlese jumys jasadyq, ortaǵa kelip, birimiz birimizsiz ómir súre almaımyz, bir birimizge kerek ekenimizdi bildirip qolymyzdy ustap top atymyzdy aıtyp; « Árqashan dos birgemiz» dep hormen aıtý.
10. Úıge tapsyrma:
145 - 147 bet túsinip oqý, 1, 2 tapsyrmany oryndap kelý.