InfoHub Logo

Aqtóbe oblysy, Oıyl aýdany,
Ekpetal mektep balabaqshasy
Matematıka páni muǵalimi:
Ájikereıqyzy Móldir

Taqyryby: Jarqyrap kún kógimde, Jeńistiń týy, jelbire
Maqsaty:
Bilimdilik: Oqýshylarǵa Uly Otan soǵysy týraly maǵlumat berý, Otan úshin janyn salǵan aǵa - apalarymyzdyń eshqashan umytylmas eren eńbekterin úlgi etý.
Damytýshylyq: Oqýshylardy adamgershilikke baýlı otyryp, Otanǵa degen súıispenshiligin arttyrý.
Tárbıelik: Batyrlyqqa, batyldyqqa, aǵa - apalarynyń qurmetteýge, eshqashan umytpaýǵa tárbıeleý.
Kórnekilikter: Plakat, sýretter, shar, slaıd

Barysy:
Muǵalim: Qurmetti Ustazdar, oqýshylar Jarqyrap kún kógimde, Jeńistiń týy, jelbire
atty ashyq tárbıe saǵatymyzǵa qosh keldińizder!
Mine, búgin Uly Jeńiske 70 jylda toldy. Sol bir qasiretti sum soǵys qanshama áke, aǵa - apa, baýyrdan aıyrdy. Qamqorsyz ómir bir kúnde 4 jyl 1418 kúnge aıyrbastady. 1418 kún Otan úshin, halqy úshin, bostandyq úshin janyn qıǵan aǵa - apalarymyzdyń eren eńbekteri, tarıh beti jańalanyp otyrsa da, eshqashan, máńgilik umytylmaıdy.
Án: Ana týraly ballada
Sahnalyq qoıylym:
Jigitter, qyzdar váls bılep jatady. Kenetten mýzyka toqtap, radıodan dıktor Levıtannyń daýysy estiledi:

Keńes úkimetiniń búrosynan. 22 maýsym tańǵy saǵat 4 - ter shamasynda fashısik Germanıa esh habarlaýsyz Keńes Odaǵyna shabýyl jasady.
Oqýshylar: Soǵys! Soǵys! soǵys!
Muǵalim: Shattanǵan jastardyń jadyraǵan kúnin fashısik Germanıa bir kúnde, qara tútinge aınaldyrdy. Adamdardyń tynysh ómiri buzyldy. Otan úshin, halqy úshin jastarymyz soǵysqa attandy.
Anamen balanyń qoshtasýy:
Ana: Aınalaıyn qulynym! Bizdi tastap jaýyzdyń jazasyn berýge ketip barasyń, artyńda qalǵan otanyń, halqyn úshin janyńdy sal balam, tek jeńispen oral. Átteń, ómir - aı saǵan ne jazdyq.
Bala: Anashym men úshin qamyqpa, biz mindetti túrde jeńispen oralamyz meni ýaıymdama. Árqashan bizdiń Jeńispen oralýymyzdy tileńiz. Qosh bol, anashym!

Muǵalim: Qanshama, kúlkisiz, qıyndyq kúnder, uıqysyz túnder ótip jatty. Apalarymyz maıdannan ulyn, aǵa - inisin, joldasyn kútti, sóıte tura, bala tárbıelep, egin ekti, Dese de,
Ár júrekte saǵynysh, bir úmit Jeńis degen.

Ananyń haty:
Qulynshaǵym aman ba?
Qolyma tıdi senen hat.
Habaryńdy esitip,
Qýanyp qaldy ǵalamat.
Kúnige toqsan tileımin,
Qulynym kel dep salamat.
Júregim – jalyn, ishim ý,
Janymda aýyr jaraqat.
Kózimniń jasy tógilip,
Uıqydan ketti rahat.
Otanyń úshin qaraǵym,
Aryń qymbat janyńnan.
Bóbekteriń aman - saý,
As jeıdi ázir qolymnan.
Erbeńdegen ermegim,
Tastamaımyn qolymnan.
Kóńilimde alań joq,
Jany súıgen jarynan.
Ýhilep keıde demalyp,
Shyǵady tútin jalynnan.
Habaryńdy jıi jaz.
Ótpesin kóp kún aradan.
Talqandap jaýdy aman qaıt,
Bult serpilip kógimde.
Jazylsyn júrek jaradan!

Muǵalim: Soǵys! Tek estiler jarylys daýystary. Soǵysta olar tek soǵysyp qana qoımaı, qımaı shyǵaryp salǵan ardaqty ana, súıikti jar, sábılerin, Otanyn, úıin de esterinen shyǵarmady.
Olar da, saǵyndy, saǵynyshtaryn jetkizdi.
Soldattar ózara áńgimelesip otyrady.
Soldat saǵynyshy:
Hat jazamyn maıdannan,
Meıirimshil ǵazız - anama
«Jaqynym - jarym» degenmen,
Anańdaı jaqyn bola ma?
Kóńilinde tilek, kózde jas,
Eki qolyń jaǵańda.
Qasiret shegip, qan jutyp,
Sarǵaıdyń ba sanaǵa?
Saǵynǵan soń men oılap,
júregiń ottaı jana ma?
Et baýyryń eljirep,
Qaıǵyra berme balańa.
Sabyrdyń sýyn bere kór,
Janyńdaǵa jarańa.
Ajalsyz adam ólmeıdi.
Mezgilsiz shólmek syna ma?
Erdiń basy el úshin,
Aryma janym sadaǵa.
Bult jamylyp qar tósep,
Men jatyrmyn dalada.
( Ananyń hat alýy)
Ana sózi: Qyzym maıdandaǵy aǵańnan hat keldi, kel oqıyq. ( hat oqylady)
O, Qudaıym bir óziń jar bola kór, balalarymyz aman – esen Jeńispen oralsa eken.
Radıodan: Levıtannyń daýysy estiledi.
Soldattar: Ýra, biz jeńdik, fashısik Germanıany basyp aldyq!
Soǵystyń kúni kesilgen bilek
Soǵystyń kúni kesilgen júrek
Soǵystyń kúni tógilgen dastan
Soǵystyń kúni egilgen aspan

Án: «Beıbit kún tilegi»
Muǵalim: Uly Otan soǵysy búkil el úshin aýyr boldy. Osyndaı erlik pen, batyrlyqpen beıbitshilik kún syılaǵan aǵa - apalarymyzdy 1 mın únsizdikpen eske alaıyq!