Muǵalimderge syılyq jasaýǵa bola ma — mınıstrlik túsinik berdi
Elimizdiń Bilim jáne ǵylymı mınıstrligi ustazdarǵa syılyq jasaýdyń zańdylyǵyna qatysty resmı túsinikteme berdi.
Mınıstrliktiń baspasóz qyzmeti usynǵan málimetke sáıkes, zań turǵysynda ustazdarǵa syılyq jasaýǵa tyıym salynbaǵan. Óıtkeni, ustazdar memlekettik qyzmetker emes.
Sondaı-aq, bıyl mamyr aıynda elimizdiń bas ustazy Ashat Aımaǵambetov pedagog qaýymǵa qurmet kórsetip, gúl shoǵyn syılaý sybaılas jemqorlyq qaýpine jatpaıtynyn alǵa tartqan edi.
«Qoǵamda ustazdarǵa gúl syılaý jemqorlyqtyń belgisi degen pikir bar. Biz onymen kelispeımiz. Osy oraıda aldymen qandaı jaǵdaıda jemqorlyq bolyp sanalatynyn anyqtap alǵan jón. Mektep tabaldyryǵyn attaǵan búldirshin ustazyna qurmet kórsetip, gúl syılasa, ol — jemqorlyq emes», — degen edi bilim mınıstri BAQ-qa bergen suhbaty barysynda.
Sonymen qatar, vedomstvo basshysy bilim oshaqtarynda pedagogıkalyq ádep saqtalýy kerektigin eske salyp, sybaılas jemqorlyqqa jol bermeý kerektigin qatań eskertti.
Ol degenimiz — mektep qabyrǵasynda túrli syltaýmen ustazdardan aqsha jınamaý kerek nemese basshylyqqa qymbat syılyq jasaý degen sekildi dúnıelerden aýlaq bolý kerek degen sóz.
Eske sala ketsek, ótken jyldan bastap elimizde memlekettik qyzmetkerge syılyq jasaýǵa jáne ony alýǵa tolyq tyıym salyndy.
You Might Also Like
-
Júgeri, maıs — astyq tuqymdasyna jatatyn bir jyldyq shóptesin ósimdik. Alǵash Ortalyq jáne Ońtústik Amerıkada taralǵan. Meksıkada bizdiń zamanyzdan burynǵy 5200 jyly shamasynda ertedegi maııa men...
