InfoHub Logo

Qolyńdaǵy baryńa qanaǵat qylmaı, ózgeniń nesibesine umtylamyn dep baryńnan aırylyp qalyp jatqandardyń qatarynan ózińdi kórgiń keledi me!? Alla mańdaıyńa jazǵan rızyǵyńnan artyq, ıa kem alamyn dep janyń shyǵyp, kóńiliń alaburtpasyn. Bári de óz ornymen. Bári de óz ýaqytymen… Keıde sen ony alýǵa laıyqty bolsańda ol rızyqtan aıyrylyp jatqan kezder bolady. Bul degenimiz – synaq. Al, synaq arqyly biz shyńdala túsip, qatelikterimiz bolsa oılana túsýge múmkindik alamyz. Sanaýly ǵana ǵumyryńdy dúnıeniń artynan eremin dep sarp etip alýdan saqtan. Sebebi, ómir biz oılaǵannan da qysqa. Bul meniń karantınde túıgen oıym…

Shynynda da, Alla árkimdi árqalaı synap jatady. Bireýdi dúnıemen bolsa, ekinshisin jaqyn jandardyń birimen, endi bireýin densaýlyqpen. Kimdi qalaı synaǵany mańyzdy emes, bastysy seniń ol synaqtan múdirmeı ótýiń. Keıde adamdar bir-birimen renjisip jatady. Qarap tursaq munyń barlyǵy orynsyz ekenin jaqsy bilemiz. Biraq sondada qaıtalaýdan jalyqpaımyz. Ómir bárimizge de tek bir ǵana múmkindik beredi. Ol qaı kez, qaı zaman bolsyn barlyǵymyzǵa da qymbat. Sondyqtan ótkenimizdi ókpemen emes, ár kúnimizdi táýbemnen ótkizgenimiz jón bolar. Birde ystyq, birde sýyq. Birde baqyttan basyń aınalyp jatsa, birde qaıǵydan janyńdy qoıarǵa jer tappaısyń. Qaısysy qaı ýaqytta keleri belgisiz, sonymen ómir qyzyqty da shyǵar. Alaıda belgilisi — «Bári ótkinshi». Qazirgi keıbir adamdardyń qateligi ol – qazirgi sátpen ómir súrip, ony sezine bilmeýinde... Tek bolashaǵyn oılap jantalasyp, josparynyń barlyǵyn erteńge ysyryp qoıady. Jarqyn bolashaq qaıdan bolsyn, eger sen dál qazirgi sátpen ómir súrip, ár sátińdi tek jaqsy jańalyq , esten ketpes esteliktermen toltyra bilmeseń!? Ómir atty uzaq saparda barlyǵymyz da jolaýshymyz, jaı ǵana qonaqpyz. Bir nárse jasaýdan, degenińizdi oryndaı bilýden jasqanbańyz! Armandańyz! Ǵashyq bolyńyz! Aldaǵy ómirińizge maqsat qoıyńyz! Jaqyndaryńyzdy bar kezinde baǵalańyz! Ózińizge senińiz! Eń bastysy óz qalaýyńyzdy jasaýdan qorqýshy bolmańyz! Az ǵana ǵumyrymyzda kóp ıgi is jasaýǵa talpynyp, aınalamyzǵa tań nuryn shashyp, júregimizdi jylýlyqqa toltyryp, óz jaryq sáýlemizdi basqaǵa da darytyp ómir súrýge tyrysýymyz qajet. Sol sebepti álemdi ózgertýdi eń aldymen ózimizden bastaıyq!!!

---