InfoHub Logo

Nadanmen qas bolǵansha, Kitappen dos bol

Baýst

 

Qazirgi tańda keńes eli kezindegideı emes kitap oqıtyn adam sany az. Sondyqtan da moraldyq jaǵynan ol qoǵam álde qaıda joǵary bolǵan shyǵar. Degenmen ol kezde tek oqýǵa bolatyn, qatal senzýradan ótken kitaptardy ǵana oqýǵa boldy. Sol sebepti adamdar sanasy oı erkindigine jete almady. Iaǵnı kóp oqıtyn el bolǵanymen  tańdaý quqyǵynyń shekteýliliginen ókinishke oraı adamdar kitap oqýdan paıdany ala almady.

Al qazir.... kitaptyń nebir túri bar: qazaqsha, oryssha, aǵylshynsha. Kitap sóreleri tolyp tur. Biraq kitaptardyń syrtqy muqabasynyń jyltyrlyǵy men atyna kóp mán beriletindeı. Túk mán-maǵynasy joq, syrty bútin, ishi tútin «glamýr» jyltyraýyq jýrnaldardan endi kitaptarǵa da kóshken be? Eń mańyzdysy kitaptyń ishki mazmuny emes pe?! 

Kitap oqıtyn jastar joq emes,biraq olar ishki mazmuny emes syrtqy jyltyraýyǵyna qarap oqıma deımin.

Jaqsy kitap oqý — aqyldy adammen syrlasqanmen birdeı. 

L.N. Tolstoı

"Kitap degenimiz – qoǵam. Jaqsy kitap jaqsy qoǵam tárizdi sezim men sanańdy nurlandyrady, kórkeıtedi. Sen qaı kitaptardy oqyǵanyńdy aıtshy, men seniń kim ekenińdi aıtyp bereıin" degen eken N. I. Pırogov. Iá, adamnyń qandaı ekenin oqyǵan kitaptary arqyly da aıtyp berýge bolady. Óıtkeni, seniń oqyǵan kitabyń - seniń oıyń... 
Kitap tek dosyń ǵana emes, usta­zyń …aqylshyń.

Qazirgi kezde tom-tom kitap qu­shaqtap, kitaphanaǵa jıi baratyn adamdardy sırek kezdestiretin boldyq. Merekelerde adamdar bir-birine kitap syılamaıdy. Sonyń saldarynan jastar erkin oılaýǵa, aýyzeki tilde kórkem sóıleýge qabiletsizdik tanyta bastaǵandaı. Ókinishke qaraı, kitapqa degen adamdardyń óz betimen qyzy­ǵý­shy­lyǵy azaıyp barady. Onyń sebebi  ǵalamtor, kompúter sekildi quraldardyń áseri dep bilemiz. Qazirgi jastar kitap oqýdyń ornyna teledıdarǵa úıirsek.

Qazirgi tańdaǵy  ǵalamtor, kompúter,teledıdarlar  kitap oqýǵa úlken kedergi keltiredi
Qazaqtyń baı tili – bar qazynasy kórkem ádebıetinde. Ár ulttyń ádebıeti men tili eń aldymen sol ulttyń ózine kerek. Qazirgi bizdiń qoǵamymyzdyń aldynda jas urpaǵymyzdy kitapqa, naqtyraq aıtsaq qa­zaq tilinde jazylǵan kitapqa baý­lý degen mindetimiz bar. Osyny esten shyǵarmaǵanymyz abzal.

Amangúl Zıaqajyqyzy

---