InfoHub Logo

Kúnine keminde 2 l sý ishý kerek degendeı sózderdi jıi-jıi estımiz. Mıdan bastap asqazanǵa deıin denedegi búkil múshelerdiń sý qajettiligi bar. Sondyqtan mol sý iship denedegi sý jetispeýshiliginiń aldyn alý kerek. Kafeınsiz kofe, shaı nemese shekersiz tabıǵı sýsyndar, sýmen aralasqan jemis shyryndary jáne basym bóligi sýdan turatyn qarbyz sıaqty ónimder de quramynda karbongıdrat nemese tuz mólsheri kóp bolmasa sý ornyna ótedi. Kafeındi shaı, kofe, kola sekildi sýsyndar denedegi sý jetispeýshiligin odan da arttyratyndyǵy úshin qosymsha taǵy sý ishý kerek.

Sýdyń denege paıdalary:

Dene temperatýrasyn turaqtandyrady.

Azyq, qaldyq jáne ottegi tasymaldaıdy.

Búırek jáne baýyrdaǵy qaldyqtardy (shlak) tazalaıdy.

Vıtamın jáne mıneraldardyń taraýyn qamtamasyz etedi.

Deneni jaraqattanýdan qorǵaıdy.

Kletkalardyń jáne bulshyq etterdiń birigýin qamtamasyz etedi.

Teri kletkalaryn ylǵaldandyrady jáne saýyqtyrady.

As qorytýda joǵarydan tómen qaraı retimen astyń qorytylýynan sińirilýine jáne de eń sońynda qaldyqtardyń shyǵýyna deıin sýdyń mindeti orasan zor.

Denede bolatyn kúnine 2-4 lıtr sý shyǵynynyń ornyn qaıta toltyryp turý qajet. Eresek adamnyń denesinde 40-50 lıtr sý bolady. Qannyń 83%, bulshyq etterdiń 75%, mıdyń 74%, súıekterdiń 22% sýdan turady. Denede 20% sý jetispeýshiligi bolýy óte qaýipti jáne ólimge deıin jeteleıdi.

Qajetti mólsherde sý ishpegen jaǵdaıda:

Mıdyń jumys isteýi baıaýlaıdy.

Qan qoıýlanady.

Júrek kóp jumys isteýge májbúr bolady.

Nájis sary tústi bolady.

İsh qatýyna(zapor) sebep bolady.

Sý jetispegen jaǵdaıda mynalar bolady:

Bas aýrýy.

Bas aınalýy.

Sharshaý jáne álsizdik.

Oıdyń tynyqtyǵy buzylady.

Tábetsizdik.

Bıik jerlerde, aýa ystyq jáne námdi bolsa, grıp nemese temperatýra bolǵan kezde tutynatyn sý mólsheri kóbirek bolýy kerek.

---