InfoHub Logo

(hıkaıat)

— Aǵataı, óleńdetpeı-aq qoıyńyzshy. Taǵy da jótelip, qınalyp qalarsyz, — dedi qyz úreılene, ol tamyrlary bileýdeı bop isinip ketken soldattyń qolynan sıpady.

— Polk, tyńda meni! — dep aıqaılady da, soldat jótelge býlyqty.

Ol ústelge keýdesimen jatyp alyp, tunshyǵyp ketkendeı eki kózi qantalaı alaqtap, kúrkildep uzaq jóteldi. Úı ıesi aspaı-saspaı qıaryn jep otyryp, soldatqa jaltaqtap qaraı berdi.

— Sen neǵyp otyrsyń? — dedi ol aqyrynda qyzǵa. — Kórmeısiń be ananyń yqylyq atyp jatqanyn. Áne úzilip barady.

Soldat sylq etip, ústelge qulap tústi, sosyn tamaǵy qyryldap, otyrǵan oryndyǵymen birge ysyrylyp baryp, edenge sulaı ketti. Mysyq qatty nannyń qabyǵyn tistegen kúıi, salqyn peshke qaraı bir-aq sekirdi.

Qyz soldattyń qasyna tizerleı otyryp, ony basynan qushaqtady.

— Aǵataı! Tursaıshy! Nege aýnap jatsyń edende? Aýyryp qaldyń ba? — dedi jan daýsy shyǵyp.

— Tynyshtal! — dedi soldat qyryldap. — Meniń buıryǵymdy tyńdańdar! Ofıser maǵan elý tıyn berdi. Ofıser dep sony aıt. Bar, kóri soldat, ańqyshty jaýynger Trıfon Kalýgın bu pánıden kúlip jatyp ótti de oǵan.

Aýdarǵan Ábilmájin Jumabaev

---