Koronavırýspen kúres: UBT-da túlekter arasynda 2 metr qashyqtyq saqtalady
Koronavırýs pandemıasyna baılanysty bıylǵy UBT-da sanıtarlyq shekteý sharalary qolǵa alynady.
Bul týraly QR Bilim jáne ǵylym mınıstrliginiń Ulttyq testileý ortalyǵynyń dırektory Dıdar Smaǵulov málimdedi.
«Testileý merzimi ázirge ózgerissiz qalyp otyr. Ony maýsymnyń 22-sinde bastaımyz dep josparlap otyrmyz. Eger pandemıa saldarynan jaǵdaı ózgerer bolsa, bul merzimdi qarastyryp, taǵy eki aptaǵa sozýymyz múmkin», - dedi Dıdar Smaǵulov.
Sonymen birge, bıylǵy testileýde túlekterdiń dene qyzýyn ólsheý, aýdıtorıadaǵy adam sanyn azaıtý syndy qaýipsizdik sharalary qarastyrylady.
«Testileýde ádette bir aýdıtorıada 100-150 adam otyratyn. Qazir 50 adamnan otyrǵyzýdy uıǵardyq. Epıdemıologıalyq jaǵdaı qıyndasa, 30 adamnan, tipti 25 adamnan qaldyramyz. Ár túlektiń aınalasynda 2-2,5 metr qashyqtyq saqtalýy kerek. Ol úshin aýdandarda ǵımarat jetkilikti, barlyǵyn eseptep shyqtyq. Esh qıyndyq bolmaıdy», - dedi D. Smaǵulov.
You Might Also Like
-
El aýzyndaǵy ańyzdarǵa qaraǵanda, jolbarys haıýanattardyń patshasy bolyp olardy bıleýden buryn qoıdan qońyr, sıyrdan topas, túıeden ańqaý eken. Maımyl men túlki ony únemi aldap-arbap kelemej etedi e...
-
"Men sizge aıtam, kimde-kim áıelge telmirip, tesilip, kózin satyp qaraǵan bolsa, ol júregimen de qylmys jasap qoıdy deı berińiz.
