UBT-ǵa 11 synyptyń tórtinshi toqsanyndaǵy taqyryptardan suraq qosyla ma
QR BǴM Ulttyq testileý ortalyǵynyń dırektory Dıdar Smaǵulov UBT-ǵa 11-synyptyń tórtinshi toqsanyndaǵy taqyryptardan suraq qosyla ma degen suraqqa jaýap berdi.
Buǵan deıin birqatar ata-ana 11-synyptyń sońǵy toqsany onlaın ótkendikten, balalar testileýdi durys tapsyra almaıdy dep alańdaǵan edi.
«Keıbir tilshiler UBT-da 11 synyptyń tórtinshi toqsanyndaǵy sabaqtardyń suraqtaryn alyp tastaıdy dep sózimdi basqasha jetkizgen tárizdi. Sony naqtylap óteıin. Biz 11 synyptyń 4 toqsanyndaǵy taqyryptardy qaradyq. Olardyń barlyǵy - 9,10 synyptarda, tipti 7,8 synyptarda ótken taqyryptardy qaıtalaý. Barlyq pán boıynsha solaı. Sondyqtan, tórtinshi toqsanda jańa taqyryp joq, sáıkesinshe suraqtar da qıynǵa soqpaıdy. Oqý baǵdarlamasynda joq suraq testileýde de bolmaıdy, onyń bárin jiti tekserip otyrmyz. Ata-analarǵa ýaıymdamańyzdar degimiz keledi», - dep túsindirdi Dıdar Smaǵulov.
You Might Also Like
-
Muzdaı balmuzdaqtyń kesiri Botanyń tamaǵyna ashkúzenshe jabysty. Naızaǵaıly bıylǵy jazdyń maýsym aıynda kóktegi altyn kún tóńirekti órtep jibererdeı kóringen. Sondyqtan qazbaýyr bulttar jer betine ja...
