Mádenıettiń qaınar bulaǵy – kitaphana
Táýelsizdiktiń 30 jyldyǵy qarsańynda Prezıdent Qasym-Jomart Toqaev Qazaqstan halqyna kezekti joldaýyn jarıalady. Joldaý barysynda pandemıadan keıingi ekonomıkalyq damý joldaryn aıqyndaı kele, jańa kezeńdegi elimizdiń turmysy men ál-aýqatyna kóńil bólý, densaýlyq saqtaý men bilim salasy sapasynyń jaıy, sonymen qatar aýyl sharýashylyǵyndaǵy ahýaldardy eskere kele naqty bastamalardy atap ótip, basym baǵyttar usynyldy. Memleket basshysy qoǵamdy sıfrlandyrý máselesine toqtalyp, bul básekelestiktiń artýyna aıtarlyqtaı yqpal etetinin atap ótti. Osy rette pandemıaǵa baılanysty daǵdarys jaǵdaıynda 85 paıyzǵa jýyq qyzmet túri qashyqtan qyzmet kórsetý formatyn paıdalanǵanyn aıta ketý kerek. Árıne, sıfrly ekonomıkadaǵy mundaı progres adamdardyń ómirin edáýir jeńildetti deı alamyz. Sonymen qatar, álemdik ekonomıkada elimiz óz ornyn aıqyn bekitý dep osy baǵyt¬tardaǵy táýelsizdiktiń 30 jylynda jetken jetistikterdi damytý, qazirgi álemdik saıasatta qalyptasqan jaǵdaıǵa jedel jáne kásibı túrde jaýap berý qajet ekendigin aıqyndaıdy. Sondaı-aq, 2022 jyldan bastap eń tómengi jalaqy mólsherin joǵary deńgeıge kóteretindigi týraly sheshim shyǵara otyryp, rýhanı qazynaǵa aınalǵan kitaphana salasyn erekshe atap ótti. Mádenıettiń qaınar bulaǵy kitaphana salasynyń damýyna kóńil bólý – kitaphananyń bolashaǵy úshin úlken jaýapkershilik. Qazirgi tańda kitaphana salasyn damytý barysynda elimizdiń irgeli joǵary oqý oryndary bakalavr, magıstr dárejesinde jas mamandar daıarlap keledi. Joǵary oqý oryndaryn bitirgen jas mamandar óz bitirgen salalary boıynsha maman bolyp qalyptasyp, janashyrlyqpen eńbek etýi kerek. Sondyqtan da, kitaphana bolashaqqa baǵdar berip, ultty uıystyryp, uly maqsattarǵa jeteleıtin «Máńgilik el» ıdeıasyn júzege asyratyn birden-bir salalardyń biri bolǵandyqtan bul mamandyqtyń abyroıyn kóteretin ister jasalynýy tıis dep oılaımyn. Sol kezde ǵana mamandyq óz qundylyǵyn kóteredi. Qazirgi ýaqytta alyp júrgen jalaqyǵa kóńil tolmaı basqa salaǵa aýysyp jatqan óz isiniń mamany, sapaly bilimdi jastarymyz qanshama?! Sol sebepti de kitaphana qyzmetkerleri úshin kúsh-jiger bolyp, kóz qýantarlyq jańalyqtardyń birine aınaldy. Osy oraı da múmkindigi shekteýli eresektermen qosa balalardy da bilim nárimen sýsyndatyp qoımaı, olardyń ómirge, qoǵamǵa beıimdelýine óz úlesin qosyp kele jatqan Zaǵıp jáne nashar kóretin azamattarǵa arnalǵan respýblıkalyq kitaphananyń eńbegin atap ótkim keledi. Jas urpaqtyń sanasyna ulttyq qundylyqtyń asyl dánin egý – qoǵam aldyndaǵy negizgi mindetterdiń biri. Al, kitaphana salasyna qoldaý kórsetý adamzattyń rýhanı kemeliniń ósýine qosqan úlestiń biri dep bilemin. Jalpaq álemdi aýzyńa qaratý úshin − rýhanı erlik kerek, jalpaq álemge qysylmaı, qymtyrylmaı qaraý úshin − rýhanı baılyq kerek,- dep Ábish Kekilbaıuly aıtqandaı, rýhanı baılyq kitaphana ordasyna kelgen árbir oqyrmannyń jan-dúnıesinen tabylary sózsiz! Memleket basshysy kezekti joldaý sońynda: «Bizdiń baǵytymyz – belgili, maqsatymyz – aıqyn. Eń bastysy, sol maqsatqa jetý úshin ne isteý qajettigin jaqsy bilemiz» dep halyqtyń júregine úlken senim ornatty. Joldaýdan tek jaqsylyq kúteıik! Jansaıa Qosmyrza Zaǵıp jáne nashar kóretin azamattarǵa arnalǵan respýblıkalyq kitaphana qyzmetkeri, «Kitaphanalyq aqparattyq júıe» mamandyǵynyń magıstry
You Might Also Like
