InfoHub Logo

21 ǵasyr sózsiz tehnıkanyń jetilgen dáýiri. Tórkúl dúnıe tórinde sansyz ǵajaıyptar ornyn alyp jatqan kezeń. Ókinishtisi tehnıka jetilgen saıyn adamdardyń kásıbı maman bolýy jolda qalyp bara jatyr. Qazirgi tańda adamdar da júrek qalaýy degen túsinik yńǵaıyna qaraı aýysqan. Iaǵnı, júreginiń talap etetinine emes, zamannyń neni talap etetinine qaraı mamandyq tańdaıdy. Osylaısha ol mamandyqtyń qyr-syryn meńgermesten, bolmashy jerge jumysqa iligip ketý úshin bárin qurdymǵa jiberedi. Jumysy ońaı bolsa da qıyn synyp turady. Nege?Óıtkeni sol mamandyqty áý basta júrek qalaýynsyz tańdady, endi bireýdiń qol astynda jumys istep júrse de ózine abyroı sanaıdy. Eger óz qalaýyndaǵy mamandyq tańdaǵan bolsa, tipti myń jerden qıyn jumysty da emin-erkin atqaryp júretin edi. "Kerek tastyń aýyrlyǵy joq ", -dep jaıdary júrip, jumysyn atqaratyn edi Osydan túıinetinimiz maman bolýǵa kerek qadamdyń alǵashqy satysy-júrek qalaýy. Bul qazirgi batys aǵymynda tárbılenip kele jatqan jastardyń eń negizgi problemasy.

Balań jastyq kezinde tanymdyq, kásıbı qyzyǵýshylyqtar qalyptasady. Óziniń bolashaǵyna aıqyn qarap, asaý bıikterdi armandaıdy. Tek óse kele ol armanynyń ushqyny ǵana qalady . Bul qyzyǵýshylyǵy joıylǵany emes, múmkinshilikti izdep qalý saldarynan. Máselen ,11-synyp túlekteriniń mamandyq tańdaýyn sıpattap kóreıikshi:bireýi tanysy bar oqýdy, biri  ata-tanyń úgitteýimen, al endi bireýi materıaly jetetinine qaraı oqý tańdaıdy. Mine, osylaısha júrek qalaýyn múnkinshilik aıasyna sarp etedi.

Al, maman bolýǵa kerek qadamnyń ekinshi satysy-senimdilik pen janyn salyp eńbek etý. Adamdardyń eń negizgi kemshiligi -senimsizdik. Kóp nárseni senimsizdikten orta jolda qaldyryp qoıady. Bıik belesterdi baǵyndyra alatynyna kúmánmen qaraıdy. "Jeńilesiń senimiń joǵalǵanda", -degen Ibrahım Isaevtyń keremet sózin eske alaıyqshy. Árıne, eger jarǵaq qulaǵy jastyqqa tımeı eńbek etse, mindetti túrde jemisin kóredi. "Ózińe sen, ózińdi alyp shyǵar eńbegiń aqylyń eki jaqtap" degen qaǵıdany umytpasa beneıti de zeıneti kóp bolatyny anyq. Ásili  "talant bar, tanys joq "degen ánsheıin syltaý sóz bolmaq. Shyn tabysyń bolsa, tanysyń da tabylady. . .

Osy bir satylardan keıin eń negizgisi-jaýapkershilik. Naǵyz maman bolý úshin  áýeli óz mamandyǵynyń aldynda jaýapkershilikti seziný mindet bolyp tabylady. Eger ol óz isine tıanaqty qaramasa, joǵaryda aıtylǵan  adamdar sekildi bireýdiń buǵaýynda ǵana kúıbeń isin jalǵastyryp júre beredi. Sol sebepti, naǵyz maman bolý úshin barlyq kertartpa minezderdi doǵaryp, mamandyǵyńnyń shyńy bolatyndaı áreket jasaý kerek.

Ahýnbaı Aıǵanym Samatqyzy

---