InfoHub Logo

Adam ómiri úshin mańyzy joǵary mamandyqtarmen qatar kúnkóris pen qyzyǵýshylyq nátıjesinde paıda bolǵan mamandyqtar da jeterlik. Sonymen, mamandyq tańdaýda nege mán bergen durys? Qatelesken jaǵdaıda ne bolady? Birneshe mamandyqty alyp júrý múmkin be?

Mamandyq tańdaý - mańyzdy qadam. Kóptegen jastar bul synaqpen mektep bitirer sátinde betpe-bet keledi. Jastardyń edáýir bóligi ózi qalamaıtyn mamandyqty tańdaıdy jáne tańdaý barysynda tómendegy prınsıpter nazarǵa alynady:

1. Grantqa túsý yqtımaldyǵynyń joǵary bolýy;
2. Ata-anasy, dostary ne jaqyndarynyń yqpaly;
3. Jumysqa ornalasý múmkindigi;
4. Oqý ornynyń jaqyn aýmaqta ornalasýy;
5. Otbasylyq sebepterge baılanysty;

Árıne, aspandaǵy armandy qýyp, saǵymǵa qol sermegenshe, realıs bolǵan da tıimdi. Mundaı sheshimge baratyn jandardyń ózi eki tarapqa bólinedi: biri ata-anasynyń baılyǵy men bıligyne senedi; endi biri ata-anasyna qaraılasý maqsatyn aldyna qoıǵandar. Biraq, mańyzdy sebebi eń aldymen ózine, óz bilimine senimsizdik bolyp esepteledi. 

Endi jastardyń kelesi tobynyń kózqarasyn taldap kóreıik. Olar ózderi qalaǵan mamandyqta tańdaǵandar, sol úshin eńbektenip, izdenetinder. Ózderine senimdi, maqsaty aıqyn jastar. Tek... Erteń olar grantqa, óz qalaǵan mamandyǵyna túspese ne bolaryn oılap kórýdiń ózi qorqynyshty. 

Óz tańdaýyńdy kez-kelgen ýaqytta ózgertýge boldy, sebebi qatyp qalǵan qaǵıda joq. Mamandyq tańdaǵanda:

• Óziń unatatyn, minezińe saı, jıi aınalysatyn isti;
• Ata-anań men jaqyndaryńnyń pikirin;
• Qazirgi bilim deńgeıiń men qansha ýaqyt bar ekenin eskergen jón.

Al endi, eger qatelik jiberip, óziń qalamaǵan salaǵa tússeń she? Esh qoryqpa... Sebebi ár mamandyqtyń óz úıreteri bolady jáne qalaǵan mamandyqqa oralý óz qolyńda. Sonymen birge qazirgi damyǵan zamanda birneshe mamandyqty alyp júrý de qıyndyq týǵyzbaıdy. Tek ýaqyt - seniń baǵaly baılyǵyń. Bastysy ýaqytyńdy joǵaltyp alma. 

Ergesh Araılym

---