InfoHub Logo

«Maqtanyshym – Táýelsiz Qazaqstan»
(konserttik baǵdarlama)

Maqsaty:
• Qazaq eliniń júrip ótken joldaryn, táýelsizdik týy jelbiregen jyldar ishindegi jetken jetistikterin aıta otyryp, ony máńgi este saqtaý kerektigin túsindirý.
• Oqýshylardy Otandy súıýge, týǵan jerge súıispenshiligin arttyrýǵa, sanalylyqqa, uqyptylyqqa, tárbıeleý.

Túri: Ádebı – mýzykalyq montaj.
Kórnekilikter: Naqyl sóz, jalaýlar, sýretter, rámizder, slaıdtar.

Barysy:

/bastalmas buryn sahnadan Qazaqstan týraly slaıd kórsetiledi, slaıd aıaqtalǵan soń fanfar oınalyp 2 júrgizýshi ortaǵa shyǵady/
1 - júrgizýshi:
Qazaq eli táýelsizdigin alǵanyna bıyl 21 jyl toldy. Óz aldyna egemendi el bolyp, táýelsiz el atandy, qazaq halqy úshin, árıne, úlken qýanysh. Óz elin, óziniń kindik qany tamǵan týǵan jerin, ana sútimen daryǵan týǵan tilin túsinbeıtin adam joq. Bizdiń týǵan elimiz – Qazaqstan! Dalasy qarasa kóz jetpeıtin keń, taýlary aıbat, halqy mereıli ǵajaıyp ólke.

2 - júrgizýshi:
Erkindik, azattyq bizdiń halqymyzdyń ejelgi armany edi. Atajurt úshin, azattyq úshin jan berip, jan alysqa nebir surapyl shaıqastar ótti. Sol shaıqasata qanshama arystyń qany tógildi, jany qıyldy. Tamyry tereńge baılanǵan alyp báıterekteı qazaq halqy talaı bozdaǵynan aıyryldy, talaı tozaqty kórdi, talaı teńseldi, biraq qulamady. Qulamaý úshin qanshama qyrshyndy qurbandyqqa shaldy. Minekı, búginde biz – táýelsizdiktiń berik tuǵyryna mingen egemendi elmiz.

1 - júrgizýshi:
Búgingi «Maqtanyshym – táýelsiz Qazaqstan» atty saltanatty keshimizge...

Ekeýi birge: Qosh keldińizder!!!

1 - júrgizýshi:
Búgingi saltanatty keshimizdi ashý úshin sóz mektep dırektorynyń oqý isi jónindegi orynbasary Orazqulova Dilbarhan ápkege beriledi.

2 - júrgizýshi: Ánuranym – januranym,
Aıtar ánim – sóıler sózim.
Týǵan jerim saǵynarym,
Máńgi baqı shyrqalady
Respýblıkam ánurany!
(Qazaqstan Respýblıkasynyń Memlekettik Gımni oryndalady)
***
2 - júrgizýshi:
Sonymen, Jeltoqsan oqıǵasy ne sebepten boldy, oǵan kimder qatysty, ol oqıǵaǵa sol kezde qandaı baǵa berildi?

1 - júrgizýshi:
Iá, ol kún táýelsizdiktiń týyn eń alǵash kótergen – áıgili 1986 jyldyń 16 jeltoqsany edi. Tańerteńgi saǵat 10 - da bar - joǵy 18 mınýtta 26 jyl respýblıkany úzdiksiz basqaryp kelgen Dinmuhamet Qonaev ornynan túsirilip, ornyna Kolbın eshkimniń pikirinsiz - aq usynylǵan edi.

2 - júrgizýshi:
Keldi osylaı ańsaǵan kúnimiz de
Kópten kútken táýelsizdik keldi bizge.
Qaıta oraldy san ǵasyrlyq qıyndyqtan,
Qasıetti tilimiz ben dinimiz de.

1 - júrgizýshi:
Ár qazaqtyń esinde saqtalady,
Jeltoqsandyq órender aqtalady.
El namysyn qorǵaǵan sarbazdarym,
Erlikterin máńgilik saqtalady.
- Qurmetti qonaqtar! «Jeltoqsan qurbandaryn» eske alaıyq.
(1 mınýt únsizdik)

***
1 - júrgizýshi:
1986 jyl, 16 - jeltoqsan. Bul erlik pen órlik, qaıǵy men qasiret mıdaı aralasqan ári jaqyn, ári qaraly da, qasiretti kún edi.
Muz jastanyp azattyqtyń jolynda,
Táýelsizdik týy turdy qolynda.
Soıyl taıaq oınasa da janynda.
Otan úshin janyn qıdy uldaryń,
Az bolǵan joq azap shekken qyzdaryń,

2 - júrgizýshi:
Kúıinishten aýyrady júregim,
Estigende jeltoqsannyń yzǵaryn.
Jeltoqsan - aý, umytylmaısyń júrekte,
Urpaq óser aınalatyn tirekke,
Egemendik tıdi búgin enshime,
Jeltoqsanym, jetkizdiń aq tilekke.

1 - júrgizýshi:
Kezekti jeltoqsan oqıǵasyna arnalǵan kóriniske bereıik!
/kórinis/
***
1 - júrgizýshi:
Táýelsizdik bizge ońaı kelmedi,
Týymyzdy bizge eshkim bermedi.
El tizginin qolyna alý jolynda
Qyrshyn ketti talaı qazaq erleri.

2 - júrgizýshi:
16 jeltoqsan – qazaq ulty úshin erekshe qasterli kún. Qazaqstan óziniń memlekettik egemendigin jarıalaǵan kún retinde ǵana emes, qazaq halqynyń totalıtarly rejımge bas kóterip, Jeltoqsan kóterilisi bolǵan kún retinde el bul dataǵa aıryqsha mán - mazmunmen qaraıdy. Sebebi 1986 jyly Almatydaǵy Respýblıka alańynda bastalǵan Jeltoqsan oqıǵalary qazaq tarıhynda Kenesary Qasymuly, Isataı men Mahambet, Syrym Datuly tárizdi ult tulǵalarynyń bir kezdegi bas kóterýinen birde - bir kem bolǵan joq.

1 - júrgizýshi:
Endeshe Ábıirbek aǵamyz ben Maıra apaıymyzdyń oryndaýyndaǵy «Jeltoqsan jeli» ánin ekrannan tamashalaıyq!
/ekranda «Jeltoqsan jeli» áni/
***
1 - júrgizýshi:
Senen artyq qasıet joq jer tegi,
Sen urpaqtyń kúlip atar erteńi.
Taǵdyryńdy tapsyr maǵan týǵan jer,
Kórkeıtýge mindettimin men seni!

2 - júrgizýshi:
Oryntaev Balǵynnyń oryndaýynda -«Jeńis týy jelbirep» áni.
Qoshemetpen qarsy alaıyq, halaıyq!
***
1 - júrgizýshi: Otan... Atameken... Atajurt... Tarıh... Bul qaı qulaqqa da asqaq estiler asyl uǵymdar. Adam ómirge kelip, es jıyp, etek jaıa bastaǵan sátten aq Otanynyń tarıhyna den qoıa bastaıdy.

2 - júrgizýshi: Baıtaq el, kún sáýletti Qazaqstan búginde damýdyń dańǵyl jolyna tústi. Ólsheýsiz tabıǵat baılyǵymen ǵana emes, eń aldymen san túrli ulttardan quralǵan halqynyń aýyzbirligimen aty shyqty. Búgingi Qazaqstan ózi ornalasqan aımaqtyń ǵana emes, búkilálemdik máselelerdi talqylaýda jáne sheshýde yqpaldy ról atqaratyn el.

1 - júrgizýshi: Endeshe, elimizdiń táýelsizdik alǵaly 20 jyldyq tarıhyna úńileıik, ekranǵa nazar aýdaraıyq!
/1991 - 2011 jyldar aralyǵyndaǵy ekrandyq vıdeomontaj kórsetiledi./
***
1 - júrgizýshi:
Dýman qyzsyn, kórsetsin el ónerin,
Jatyr nebir aıtylyp sóz de kerim.
Án bulaǵy qaınaryn qanyp ishken,
Kórsetsin oqýshylar óz ónerin.
/ekrannan Bekbolat Tileýhannyń táýelsizdik týraly oı - tolǵaýy/

2 - júrgizýshi: Sahnada Rataı Sara «Týǵan jer» áni. Qoshemetpen qarsy alaıyq!
***
1 - júrgizýshi:
Táýelsizdik bizge ońaı kelmedi,
Jurtym meniń ne qıyndyq kórmedi
Jylap turyp analarym bul jolda
San perzentin qara jerge jerledi.

2 - júrgizýshi:
Táýelsizbin, táýelsizbin men búgin,
Keldi, mine azattyǵym, teńdiǵim,
Bostandyqta baılyǵym men endigim
Sheshil endi, shemen bolǵan sherli únim.
/ekrannan Ardaq Nazarovtyń táýelsizdik týraly oı - tolǵaýy/

1 - júrgizýshi:
Aýdandyq « Jas aqyndar jyrlaıdy» atty múshaıraǵa qatysyp alǵys hatpen oralǵan 5 synyp oqýshysy Zınabdýllaev Beknurdy «Táýelsiz Qazaqstan» óleńimen qarsy alaıyq!
***
1 - júrgizýshi:
Jeltoqsan aıy estesiń,
Daýyl bop burqan sepkensiń,
Azattyq kúni qashannan
Kókeıin eldiń teskensiń.

/ekrannan Medeý Arynbaevtyń táýelsizdik týraly oı - tolǵaýy/

2 - júrgizýshi:
Sahnada 9 «á» synyp oqýshylary Qaıyrhanova Zaǵıra men Rysqulbek Baǵdatty «Sálem saǵan, týǵan el» ánimen qarsy alaıyq!
***
1 - júrgizýshi:
Saryarqa dalasynda, Esil ózeniniń jaǵasynda álemdi ózine qaratqan jańa qala boı kóterdi. Ol bizdiń Elordamyz – Astana. Astana da táýelsizdigimizdiń belgisi emes pe?
2 - júrgizýshi:
Dostyq peıil – tatýlyqtyń tiregi.
Bizdiń halyq beıbit ómir súredi.
Bar álemdi bir ózine qaratqan
Elordamyz – Eýrazıa júregi!
1 - júrgizýshi:
Biz búginde búkil elimizdiń ıgiligi bolyp tabylatyn jańa astanaǵa ıe boldyq.
2 - júrgizýshi:
Jańa elorda Otanymyz úshin bizdiń súıikti Qazaqstanymyzdyń jańa bolashaǵynyń jarqyn da izgi betashary boldy.

***
Rsalıev Madıar - « Astana – Azıanyń arý qyzy»
Álimbek Jadyra – «Astana»
Dataı Dıdar«Báıterek»

***
1 - júrgizýshi:
Armanǵa aqyr jettik, el boldyq ta egemen
Oıda joqta túsken joq qoı bul tóbeden
Tarıhı sol kúrestiń tartýy ol,
Arýaq qoldap, ádil shyndyq jebegen.

2 - júrgizýshi:
Sahnada Seıdalıev Nurbolat «Óz elim» ánimen. Qoshemetpen qarsy alaıyq!

***
1 - júrgizýshi:
O, darıǵa, altyn besik týǵan jer,
Qadirimdi kelsem bilmeı keshe kór
Súıem seniń týǵan el – atameken
Abzal anam sensiń ǵoı qushaǵyń keń.

2 - júrgizýshi:
Sahnada Qudaıbergen Dosjan «Jasa qazaq» ánimen. Qoshemetpen qarsy alaıyq!
***
1 - júrgizýshi:
Táýelsizdik peıil syıy qazaqtyń
Arymyzdan arylǵaly azattyń
Batyry kóp, aqyny kóp halyqqa
Alla jar bop týa qalǵan ǵajap kún.

2 - júrgizýshi:
Súleımenov Birjannyń oryndaýynda Qurmanǵazynyń «Adaı» kúıi
***
1 - júrgizýshi:
5 - synyp oqýshylarynyń oryndaýynda hor «Atameken»
***
1 - júrgizýshi:
Osyndaı erkindikti el tilesin,
Baqyt qusy basymyzǵa erkin kelsin.
Al endi táýelsizdik qutty bolyp,
Kók baıraq máńgi baqı jelbiresin!

2 - júrgizýshi:
Namysty ot - jalynǵa shyndaıyq biz,
Qaırattyń erligine laıyqpyz.
20 jyl tolǵan eken Jeltoqsanǵa,
Áýmın, qabyl bolsyn, jyr - ánimiz!

1 - júrgizýshi:
Osymen, búgingi konserttik baǵdarlamamyz óz máresine jetti. Nazar qoıyp tyńdaǵandaryńyzǵa rahmet!