InfoHub Logo

Tarıhta Nuh paıǵambar din jolyn úgittep júrip jer júzine ashýy túsip topan sý qaptatyp jiberipti de, jersharyndaǵy 18 myń ǵalamnan oryn alyp qalypty.

Osy kezde tyshqan kemeniń taqtaıyn tesip jiberip, kemeni sýǵa toltyrypty. Muny kórgen jylan:

— Men kemege kirip jatqan sýdy toqtatsam, talabymdy oryndaısyń ba? — degen eken.

Nuh paıǵambar onyń talabyn oryndaýǵa maqul bolǵan eken. Jylan tesikke quıryǵyn tyǵyp, sýdy tosypty. Sýdan aman shyqqannan keıin jylan Nuhqa:

— Men dúnıejúzindegi ólgen ólikterdiń dámin tatyp, qaısysy tátti

bolsa, sonyń qanyn azyqtansam, — deıdi. Muny bilip kelýge Nuh paıǵambar masany jibergen eken. Masa eki saǵatta kelýge sert beredi. Biraq masa ýaǵynda kelmegen soń, masany izdep kelýge qarlyǵash jolǵa shyǵady. Aldynan kezikken masa:

— Kóp nárseniń qanyn soryp júrip, ýaqytym asyp ketip jaı qaldym, — depti. Qarlyǵash:

— Neniń qany tátti eken? — degende masa:

— Adamnyń qany tátti eken, — depti. Qarlyǵash:

— Qane, tilińdi ashshy men kóreıin, — degende masa:

— «Mine» dep tilin asha bergende, qarlyǵash masanyń tilin biraq julyp áketipti. Sonan qaıtyp barǵan masa jylanǵa yzyńdaǵannan basqa eshnárse uqtyra almapty. Eshnárse uǵa almaǵan jylanǵa qarlyǵash:

— Saǵan masa, tyshqannyń qany tátti, — dep tur degende, qarlyǵashtyń sózine shamdanǵan jylan, qarlyǵashty bas salyp, shaqpaqshy bolyp, qarlyǵashtyń quıryǵynan tistep qalǵanda, qarlyǵash usha jónelipti. Sodan qarlyǵashtyń quıryǵy asha bolyp, masa yzyńdaıtyn bolǵan eken.

---