InfoHub Logo

Mass-medıa ónimderiniń jeke paraqshalary

Áleýmettik jelilerde ashylǵan mass-medıa ónimderiniń jeke paraqshalary BAQ-tyń damýyna kelesideı úles qosýda:
• Oqyrmanmen keri baılanys, ıaǵnı hat almasý, pikir qaldyrý, paraqshasyna bólisý sıaqty áleýmettik jeliniń múmkindikterin paıdalaný;
• Áleýmettik jelide basylym, ne radıo-telebaǵdarlamanyń paraqshasyn júrgizý arqyly aýdıtorıa jınaý;
• Belgili bir kontent arqyly dostastyqtar qurý;
• Ózge basylymdardyń, radıo nemese telehabarlardyń jarıalanymdaryn baqylaý múmkindigi;
• Qoǵamda rezonans týdyrǵan jańalyqtardy tabý, oqıǵa kýágerleri men qatysýshylarymen áleýmettik jeli arqyly baılanysqa shyǵyp operatıvti túrde habar taratý;
• Oqyrman nemese kórermenmen tikeleı baılanysqa shyǵý úshin paraqashaǵa jazylýshylardyń tizimin jáne olardyń koordınattaryn bilý;
• Áleýmettik jeli qoldanýshylary óz usynys, pikirlerin áleýmettik jelide aıtyp, sonan soń BAQ-tyń resmı saıtyna materıal jarıalaı alýy;
• Jarnamamen aınalysý, ol úshin áleýmettik jelidegi paraqsha jazylýshylaryna analız jasaý, olardyń jas mólsheri, qaı aımaqta kóp shoǵyrlanǵandyǵy, qaı ýaqytta áleýmettik jelini belsendi qoldanatynyn bilip alýy tıis;
• Jýrnalıser kóshe jaǵalap respondent izdep ketpeı-aq Internet betinde otyryp ta belgili bir oqıǵa, taqyrypqa saýalnama júrgizý, pikir jınaý sıaqty jumystardy áleýmettik jeli qoldanýshylarynan bilip alady;
• Áleýmettik jelidegi tikeleı efır júrgizý múmkindigin paıdalana otyryp paraqshalarynan mańyzdy oqıǵalardy onlaın translásıa júrgizý múmkindigi;
• Onlaın-basylymdar men blogtardy damytý;
Joǵaryda aıtylǵan múmkindikter BAQ-tyń ınovasıalyq marketıńtik komýnıkasıa jasaýyna, aýdıtorıamen baılanys ornatýyna múmkindik beredi. Bizde bar málimetterge sáıkes 2014 jyldyń ózinde «Aqparattyq Qazaqstan-2020 (memlekettik baǵdarlamasy aıasynda bizdiń elde 800-den asa BAQ elektrondy formatqa aýysyp, Internet betinde ózderiniń saıttaryn jasaǵan.

---