InfoHub Logo

Microsoft kompanıasynyń negizin qalaýshysy Bıll Geıts óziniń Gates Notes blogynda osy jazda oqýǵa turarlyq bes kitaptyń tizimin jarıalady. Geıts bul eńbekterde genderlik teńdik, saıası polárızasıa, ómir súrý men klımattyń ózgerýi syndy kúrdeli taqyryptar qozǵalǵandyǵyn eskertip sondyqtan oqýǵa jeńil emes ekendigin atap ótti.

1. "Sıla", Naomı Alderman

"Sıla" — aǵylshyn jazýshysy Naomı Aldermannyń ǵylymı-fantastıkalyq romany, 2016 jyly shyqqan. Atalmysh eńbekti mıllıarderge úlken qyzy Djennıfer oqýǵa keńes bergen. Bul eńbektiń sújeti boıynsha búkil álemdegi áıelder aıaq astynan erekshe qabiletke ıe bolady. Sol qabiletteri arqyly sońynda jer betindegi ústemdik etetin jynysqa aınalyp, matrıarhat (qoǵamda áıel adamdardyń ústemdik etýi) qaýymdastyǵyn qurady. Jalpy aıtqanda kitap genderlik teńsizdik máselesin qozǵaıdy. Bul eńbekti AQSH-tyń buryńǵy prezıdenti Barak Obama jáne The New York Times gazeti tarapynan synalǵan. Al Bıll Geıts "Sıla" kitabyn oqyp otyryp kóptegen áıel adamdar qandaı ádiletsizdik pen qatigez qarym-qatynastarmen ushyrasatyndyqtaryn jaqsy túsindim. Osy másele boıynsha jumys isteıtin AQSH jáne dúnıejúzindegi barlyq belsendilerge rızashylyǵymdy bildiremin" dep kitap jaıly pikirin bildirgen.

2. Why We’re Polarized, Ezra Kláın

Geıts bolashaqqa optımısik kózqaraspen qaraýǵa tyrysqanymen alaıda AQSH-tyń saıası polárızasıasy onyń kóńiline qaıaý túsiretindigin jasyrmaıdy. Buny túsiný úshin mıllıarder Vox saıtynyń negizin qalaýshy ári sol saıttyń sarapshysy Ezra Kláınnyń kitabyn oqýǵa keńes beredi. Saıası polárızasıa taqyrybyn Kláın óz eńbeginde keńirek ashyp túsindiredi. Ol Amerıkadaǵy saıası qarama-qaıshylyqtardy psıhologıalyq jaqtan qarastyra talqylaıdy. Atalmysh týyndy jaıly Bıll Geıts "Eger qazir AQSH saıasatynda ne bolyp jatqanyn túsingińiz kelse, onda bul kitap sizge arnalǵan" dep pikirin bildirgen.

3. "Shose Lınkolna", Amor Toýlz

«Shose Lınkolna» shytyrman oqıǵaly romany 2021 jyly shyqqan. Kitapta oqıǵa 1954 jyldan bastaý alady. Bul eńbekte jasóspirim balanyń inisi jáne eki dosyn ertip saıahattaýy týraly jazylǵan. Jalpy Bıll Geıts amerıkalyq jazýshy Amor Toýlzdyń eńbegin birinshi ret usynyp turǵan joq. Buǵan deıin 2019 jyly dál osy avtordyń «Jentlmen v Moskve» atty kitabyn oqýǵa keńes bergen bolatyn. Microsoft negizin qalaýshysy "Shose Lınkolna" kitaby jaıly "Toýlz saıahattaýǵa shabyt beredi jáne ol biz qansha qalasaq ta ómir jolymyz biz qalaǵandaı bolmaıtynyn ári ony boljaı da almaıtynymyzdy ashyp kórsetedi" degen.

4. "Mınısterstvo býdýshego", Kım Stenlı Robınson

Bul klımattyq ózgeristerge arnalǵan 2020 jyly shyqqan ǵylymı-fantastıkalyq roman. Aty aıtyp turǵandaı fantasıkalyq eńbekte oıdan shyǵarylǵan álemdik uıym klımattyq ózgeristermen kúresedi. Kitap sújeti boıynsh bizdiń ǵasyrymyzdyń jıyrmasynshy jyldary klımat qatty ózgerip, sonyń áserinen álemde mıllıondaǵan adam qaza tabady. Osy problemany sheshý úshin 2025 jyly "bolashaq mınıstrligi" halyqaralyq uıymy qurylady. Atalmysh uıym mindeti álemdik apatqa qarsy turyp bolashaqta urpaqqa Jerdi saqtap qalý. Osy maqsatta uıym naqty qadamdarmen qatar qupıa operasıalar da jasaıdy. Osy qupıa operasıalar negizinde jappaı dıversıa, adam óltirý, qarjylyq manıpýlásıa jasaý, zorlyq-zombylyq, radıkaldy saıası qozǵalystar men ıdeologıalarǵa qoldaý bildiredi.

5. How the World Really Works: The Science Behind How We Got Here and Where We’re Going, Vaslav Smıl

Al besinshi kitapqa mıllıarder ekonomıka profesory Vaslav Smıldiń (Vaclav Smil) eńbegin atady. Bul kitapta avtor energıanyń órkenıetke ıaǵnı sıvılızasıaǵa qalaı áser etkeni týraly áńgimeleıdi. Aıta keteıik, Vaslav Smıl — Geıtstiń súıikti avtorlarynyń biri. Ol 2017 jyly Smıldiń sol ýaqytqa deıin shyqqan 37 kitabynyń bárin oqyǵanyn aıtqan edi. Bul kitap jaıly Bıll Geıts "Smıldiń kóptegen kitaptary oqýlyq retinde oqylady, biraq dál osy eńbegi keń aýdıtorıaǵa arnalǵan. Ol kúrdeli zattar jaıly qysqasha anyqtama berý úshin kóptegen sandarmen jumys jasaǵan" dep pikir bildirgen.

Álemdegi eń baı adamdardyń biri jyl saıyn oqýǵa kitap usynyp otyrady. Siz byltyrǵy usynǵan kitaptaryn oqydyńyz ba?

Qanıa Tabys

Oqýǵa keńes beremiz:

Bıll Geıtsten tabysty bolýdyń 10 erejesi

Mıllıarder atanǵan 5 beıbaq

Bıll Geıtstiń kóshbasshylyq syrlary

Hakerlik, poker oıyny hám 20 mıllıon dollar

Álemniń eń baı 10 adamy

Ataqty mıllıonerler baıyp ketkenge deıin qandaı bolyp, nemen aınalysqan edi

---