InfoHub Logo

«Alataý» dástúrli óner teatrynda 8 maýsym kúni M.Áýezovtyń 125 jyldyǵyna oraı «Aıman-SHolpan» atty mýzykalyq komedıasynyń premerasy ótti. Qoıylym «Aıman-SHolpannyń» 1934 jyly jazylǵan túsnusqa jyryna negizdelgen. Spektal rejıseri Juldyzbek Jumanbaı.

Qazirgi tańda ulttyq sanamyzdyń qaıta órkendeý kezeńinde halyqtyń salt-dástúrimen kórkemdep, qoıylym óziniń janryna saı astarly ári jeńil ázilmen jetkize bildi. Qoıylym mahabbat úshin arpalysty, keıipkerlerdiń minez-qulyqtaryn kórkemdep jetkizip, qoıylymnyń baılanysyn jandy daýystaǵy mýzykalyq áýendermen kórsete aldy. Rejıser qoıylymdy qazaq halqynyń salt-dástúrleri, aıtysy, ulttyq oıyndary, halyq áni men ulttyq bıi arqyly jandandyra túsi.

Sahna qazaq halqynyń eskiden kele jatqan buıymdarymen bezendirilip, ulttyq kıim kıgen ártister halyqtyń erekshe yqlasyna ıe boldy. Qoıylym sonymen qatar tamasha altybaqan oıynymen, shat-shadyman kóńilmen qarsy alýy  tutastaı óner merekesi ispettes kórsetti.
Akterler tek dramalyq qabiletterimen ǵana emes, keremet ánshilik ónerimen kórermen qoshemetine bólendi.

Spektaldegi basty keıipkerler Aıman men Sholpannyń beınelerin rejıser asha bilgen. Aımannyń obrazy baıypty, baısaldy, barlyq nárseni aqylmen sheshetin bolsa, al Sholpan erketotaı, tentek, tapqyr, ótkir tildi qyzdyń beınesinde boldy. Qoıylymdaǵy erekshe keıipkerlerdiń biri, jan-jaqty obrazyn asha bilgen Arystannyń beınesi boldy. Onyń tek qana aqyn emes, sonymen qatar balýan seri ekenin kórsetti. Al Álibektiń beınesi tapqyrlyǵymen, shıraqtyǵymen ashyla tústi. Arystan men Álibektiń de obrazdary bir-birin tolyqtyryp tur.

Sol sebepti Álibektiń Aımandy, Arystannyń Sholpandy alýynda kezdeısoqtyq emes.
Qoıylymnyń barysy negizinen qyz kórýge kelgen jigitter qaqtyǵysymen órbıdi. Qoıylym ary qaraı Álibek pen Maman baıdyń Kótibarmen tartysyn beıneleıdi. Ekeýi Kótibar batyrdy adam qatyrna qospaı, namysyna ábden tıedi. Sonymen birge, Jarastyń obrazy da pessanyń qyzyǵyn keltirip tur. Jarastyń beınesi negizinen jyrda joq, ol dramatýrgtyń qıalynan týyndaǵan. Jaras beınesi búkil qyzyqty ári kúlkili oqıǵalardyń arasynda júredi.

«Aıman-SHolpan» qoıylymynyń komedıalyq janyryn asha bilgen Ózbek jigittiń obrazy boldy. Osy tusta S.K.Stanıslavskııdiń «Kishkentaı rol joq, kishkentaı artıs bar» degen qanatty sózin eske túsedi.

Jantyq pen Balpyq aqyndardyń aıtysy da qoıylymdy erekshelendirip, kórkeıtip tur. Aqyndardyń tartysyna Álibek pen Arystannyń  ár túrli sóz qosý da qos aqynǵa súıemeldeý boldy.

Qoıylymnyń sońy Aıman men Sholpannyń qazaqtyń dástúrine saı uzatylýmen, ulan-asyr toımen aıaqtaldy. «Aıman-SHolpan» mýzykalyq komedıalyq qoıylymy qazaq teatrynyń sahnasynan túspeıtin klasıkalyq shyǵarmalardyń biri bolyp qalary sózsiz. Ony akter Bekjan Turystyń qoıylym týraly jazǵan oınynan ańǵarsaq bolady. Akter «Aıman-SHolpandy» kórip otyrǵanda erekshe áser alyp, qazaqtyń tóltýma óneriniń - áni, bıi, jyry, kúıiniń bári bir arnaǵa toǵysyp, qan tamyryńdy boılaǵan kúıi janyńdy tebirentetinin, boıyńdy balqytyp rýhanı lázzat syılaı alatynyn aıtty.

Oryn Aqbala Alıqyzy ál-Farabı atyndaǵy Qazaq ulttyq ýnıversıtetiniń mádenıettaný mamandyǵynyń 3 kýrs stýdenti

Óndiristik tájirbıe jetekshisi: Esbolova Móldir Aýeltaevna

---