InfoHub Logo

Mahambet batyrdyń ákesi Ótemis sózge sheber bı bolǵan, jaqsy orta dáýletti, ózi ınabatty adam bolǵan eken. 1801-1802 jyldary Kishi júzdiń keıbir rýlary Bókeıdi han kóterip resmı túrde ishki betke ótýge ruqsat alyp, kóship, kóldeneń jatqan Jaıyq ózeninen ótýge bet alǵan. Jaıyq boıyn meken etken kúzetshi esebinde qyzmet atqaryp turǵan qazaq-orys áskeri eldi Jaıyqtan ótkizbeı: «Sýdy ylaı jasaısyzdar, balyǵyn úrkitesizder», — dep kidirtip kóp el Jaıyq jaǵasynda ıirilip qalypty.

Sol kezde eldiń ýákili esebinde Ótemis qazaq-orys basshylarymen sóılesip, kelisip, shańyraq basy bir erkek qoı beretin bolyp, eldi ótkize bastapty. Eldi japa-tarmaǵaı jibermeı, bir orynnan ǵana jiberip jáne Ótemis ózi basynda turyp buryn kelgendi buryn, sońǵy kelgenderdi sońynan ótkizip turypty.

Bul kezde han-tóre aqsúıek tuqymdary da ótpek bolǵan. Olar mynadaı kezekpen ótýdi ar kórip, Ótemiske rıza bolmaı, ári kóre almaı «Ótemis sen nege taırańdaısyń, qanshama taldasań da, atań Máli qul emes pe?» — depti. Sonda Ótemis turyp qysylmaı-saspaı tórelerge:

— Ózen, ózen, ózen sý,
Ózen sýǵa qanǵan ıt.
Kúninde ózi bolǵan jigittiń
Túp atasyn suraǵan ıt.
Aldyńǵy kisi soǵym jeıtin,
Artqy kisi boǵyn jeıtin.
Tóre bolsań, jónińe tóresiń,
Biraq kezegiń kelgende ótesiń, —

degen eken.

Oqýǵa keńes beremiz:

Jylqynyń torysy kóp pe, tóbeli kóp pe? (İ nusqa)

Syrymnyń Nuraly handy shabýy (İİ nusqa)

Baımaǵambet sultan men Syrym batyr

---