Mektep dırektory attestasıadan ótý úshin muǵalimderden aqsha jınaǵan
Jambyl oblysynyń Shý aýdanynda orta mektep dırektory qyzmetin asyra paıdalanǵany úshin 1 jylǵa bas bostandyǵynan aıyryldy, dep aýdandyq sottyń baspasóz qyzmeti habarlaıdy.
Shý aýdandyq soty bilim ordasynyń basshysy S.L.-ǵa qatysty QR Qylmystyq kodeksiniń 362-baby («Bılikti nemese laýazymdyq ókilettikterdi asyra paıdalaný») 1-bóligimen qylmystyq is qozǵaǵan.
İs materıaldaryna qaraǵanda, aýdandyq orta mekteptiń dırektory S.L. qol astyndaǵy qyzmetkerlerge 2017 jyldyń qańtar aıynda memlekettik attestasıany ótkizý úshin mektepke Jambyl oblysy bilim salasyn baqylaý departamentinen komısıa keletinin aıtqan.
Sonymen qatar S.L. atestattaýdan súrinbeı ótý úshin árbir pedagogtan 30 myń teńge, tehnıkalyq qyzmetkerlerden 9 myń teńgeden aqsha jınaýdy talap etken. Bul áreketimen ol jábirlenýshilerge jalpy 270 myń teńge kóleminde materıaldyq zalal keltirgen.
Mektep basshysy sot otyrysynda óz kinásin moıyndamady. Sottyń úkimimen S.L. aıypty dep tanylyp, oǵan 1 jylǵa bas bostandyǵynan aıyrý jazasy belgilendi. Sottyń úkimi zańdy kúshine engen joq.
You Might Also Like
-
Sýyq kúnderde de dalada júgirý, dene jattyǵýlaryn jasaý, velosıped aıdaý sekildi jattyǵýlar densaýlyqty, ımýnıtetti kóteretindigi, depressıanyń aldyn alatyndyǵy, sergek júrýge septigin tıgizetini ...
-
Teri kútimi úshin azdaǵan shıpaly ósimdikpen sý jetkilikti. Jyldardan beri kele jatqan shıpaly ósimdiktermen emdeý ádisine degen suranys áli kúnge deıin saqtalǵan.
