InfoHub Logo

Sýyq kúnderde de dalada júgirý, dene jattyǵýlaryn jasaý, velosıped aıdaý sekildi jattyǵýlar densaýlyqty, ımýnıtetti kóteretindigi, depressıanyń aldyn alatyndyǵy, sergek júrýge septigin tıgizetini sózsiz. Alaıda sýyq kúnderi jattyǵýlardyń da ózindik erejeleri baryn umytpaý kerek:

● Aýa raıyna sáıkesinshe kıiný, deneniń shamadan tys tońýyna jol bermeý kerek. Juqa, biraq qabat-qabat kıiný, ylǵal (ter) jutatyn, demalatyn kıim tańdaǵan jón.

● Jańbyrly nemese qarly jaǵdaıda jattyǵý jasaǵanda kelesi jattyǵýǵa deıin aıaqkıimderdi mindetti túrde kebýin qamtamasyz etý kerek.

● Tizeler, qoldar, bas, moıyn jáne keýde tustaryn sýyqtan qorǵaý kerek. Zertteýlerde dene jylýynyń 30%tik úlken bólimi bas jaqtan joǵalatyny anyqtalǵan. Sondyqtan bas kıim kıýdi nazardan tys qaldyrmaý kerek.

● Jattyǵýlardy aqyryn-aqyryn bastaý kerek. Óıtkeni denemizdiń jattyǵýlar úshin qajetti temperatýraǵa kelý ýaqyty qys aılarynda uzaqtaý bolady.

● Sýyq aýanyń tynys joldaryn qabyndyrmaýy úshin murynmen demalý kerek. Murynmen demalǵanda aýa ókpege jetkenge deıin jylynady. 

● Sý ishý qajettiligi sýyq kúnderde az bolǵanymen, áıtse de deneniń sýsyz qalý yqtımaldyǵy bar. Jattyǵýdy bastaýdan birshama ýaqyt buryn bir stakan jyly sý, jattyǵýdan keıin de dene qyzýy basylǵan soń bir stakan jyly sý ishý kerek. Kún boıy 8-10 stakan sý ishýdi ádetke aınaldyrý qajet.

● Sýyq kúnderde múmkindik bolsa, jattyǵýǵa túski jáne tústen keıingi ýaqyttarda shyqqan jaqsy. Bul ári súıekterge, ári ımýnıtetke paıdaly bolǵan D dárýmeniniń qalyptasýyna paıdaly.

● Qatty sýyq kúnderi ásirese -10 gradýstan tómengi kúnderi ashyq alańdarǵa shyqpaǵan jón.

● Sharshańqy, álsiz jáne aýyryp mazasyzdanyp turǵan kezderi jattyǵýǵa shyqpaǵan jón. Qyzý kóterilip, ınfeksıa jaǵdaılarynda jattyǵýlardy shegere turǵan durys.    

Oqýǵa keńes beremiz:

Júzý sporty jáne paıdasy

Bulshyq et ósiretin dárýmender

Dın Karnazes — sharshamaıtyn jelaıaq

---