InfoHub Logo

QR Bilim jáne ǵylym mınıstri Erlan Saǵadıev latyn grafıkasyna aprobasıa jasaýǵa qatysty pikir bildirdi.

«Biz birneshe mektepti tańdap aldyq. Sol jerde latyn grafıkasyn engizý boıynsha aprobasıany ótkizemiz. Ony mınıstrlik mamandary men til ınstıtýtynyń qyzmetkerleri atqarady. Mektep oqýshylary latynsha jazyp kóredi. Mátindi daýystap oqıdy. Áripterdi taný jaǵyn baıqap kóremiz. Jalpy, balalardyń latyndy qalaı qabyldaıtynyn, qandaı tásilder yńǵaıly, sonyń bárin zertteımiz. Negizi, bunyń bári - kúndelikti jumysymyz», - dedi E.Saǵadıev jýrnalıserge bergen suxbatynda.

Mınıstrdiń aıtýynsha, Astanada bes mektep anyqtaldy. Sonyń negizinde latyn grafıkasyn engizý boıynsha aprobasıa jasalady.

«Qazir naqty qaı synyptardyń ekenin aıta almaımyn. Biraq olardyń ishinde 0-shi jáne 1-shi synyptar anyq bar. Balalar daıyn. Oqýlyqtarymyz bar. Birneshe nusqa ázirlendi. Aprobasıanyń naqty nátıjesi belgili bolǵanda buqaralyq aqparat quraldary arqyly jarıalaımyz», - dep atap kórsetti E.Saǵadıev.

Aıta keteıik, Astanada ótken Tamyz konferensıasy kezinde mınıstr Saǵadıev latyn grafıkasy boıynsha sabaq beretin muǵalimderdi daıyndaý jospary jaıynda atqan.

«Kelesi jyldan bastap 0-shi synyp tárbıeshileri men muǵalimderdi daıyndaýǵa kirisemiz. Latynsha «Álippe» jáne kırıllısada «Býkvar» bazalyq oqýlyqtaryn daıyndaý jumysy júrip jatyr. Oqýlyqtar 2020-2021 oqý jylyna daıyn bolady», - dep atap kórsetti E.Saǵadıev.

---