InfoHub Logo

Qaratal negizgi mektebiniń
9 synyp oqýshysy Imahmet İlıas
Jetekshisi Haskeeva Gýlfaırýs Haırbýlatovna

 

Óz Otanynyń patrıoty  bolý –  bul Qazaqstandy óz júreginde ustaý!

N.Á. Nazarbaev

Men - patrıotpyn! Men elimdi, jerimdi, ultymdy súıemin! Men Otanymdy, otbasymdy súıemin! Men - tilimdi, dinimdi, dilimdi súıemin! Men Qazaqstan Respýblıkasynyń Týyn, Gımndi, Eltańbany qurmetteımin.Meniń oıymsha patrıot ultyn súıetin, óz tarıhyn, týǵan tilin qurmetteıtin, urpaqtan urpaqqa jalǵasqan salt – dástúrin dáripteıtin, ulttyq qadir – qasıetimizdi arttyrýǵa úles qosatyn sanaly tulǵa. Týǵan eli úshin únemi ter tóge qyzmet etip, halqymyzdyń mol rýhanı qundylyqtaryn baǵalaı biletin asyl tulǵa. Patrıottyq tárbıe, eń aldymen, árbir jeke tulǵanyń ata – anasyn, týǵan – týystaryn jaqsy kórýden bastalady. Men ózimdi shyn patrıot sanaımyn. Kez - kelgen adamdy otansúıgishtikke tárbıeleıtin eń birinshi - ata - ana tárbıesi, ekinshi - ustazdardyń tálimi. Al ózińdi - óziń otansúıgishtikke tárbıelegendegi tiregiń ol - kitap. Osy qudireti kúshti kitap arqyly biz óz imizdi patrıot bolýǵa tárbıeleı alamyz. meıli ol muǵalim, meıli ol jumysshy, dáriger, ne taǵy basqa maman ıesi bolsyn qoǵamda parasatty, adamgershiligi joǵary bala tárbıeleý kez kelgen adamnyń mindeti bolýy tıis. Tatý tirlik pen aýyzbirlik jyly uıamyzǵa arqasyn keń jaıǵanda adamgershilik atty asyl qasıetterdiń adam boıyna nyq qonatynyna, árıne, esh shúbá joq. Abaı atamyz aıtqandaı, búgingi jastardyń dúnıeniń ketigin taýyp, qalanýdy kózdeý, qoǵamdyq ómirden qol úzbeı, óz elin súıýge, óz eliniń turmys – tirshiligin, salt – sanasyn, ádet – ńurpyn bilýge tárbıeleý – naryqtyq kezeńde mańyzy joǵary turǵan zor mindetterdiń biri dep oılaımyn. Osy tárbıeniń eń mańyzdysy – balaǵa patrıottyq tárbıe berý. Halqymyzdyń tarıhyna tereń úńile bilsek, jasynan jarqyraǵan kúmis kómeı ánshi, jaý júrek batyr, nar tulǵaly palýan eli men jeri úshin aıanbaǵany barshaǵa málim. Endeshe kókirek kózimen tarıhty tamyrynan tamshylata jas urpaq zerdesine zerleı, shyraıly sózben kesteleı tanytý ata – ana men ustaz – tárbıeshi sheberligine baılanysty. Men oqýshy qalpymnan kishipeıildilik, qaıyrymdylyq, meıirimdilik, izettilik, ár isti tıanaqtylyqpen oryndap, jaýapkershilikpen qaraý, úlkenderdi syılaý, taǵy da osy sekildi asyl qasıetterdi boıyma jıyp, ósip kelemin. «Barlyq halyq pen ult barlyq uly jáne tamasha nárselerdi jasaýǵa qabiletti, árbir azamat óz ultyn súıýge tıis jáne óz ultyna degen tereń súıispenshiligi men maqtanysh sezimi arqyly basqa ulttardy tanyp, qurmettep, olardy súıe bilýge tıis» degen edi ultymyzdyń maqtanyshy, uly patrıot atamyz Baýyrjan Momyshuly. Bul sózdiń astarynda óz ultyńdy erekshe súı, sol arqyly ózge ultty súıýge úıren degen oı jatyr.

---