InfoHub Logo

Baltabaı Baýyrjan
Aral qalasy
№13 T.G.Shevchenko atyndaǵy 
mektep 8 «a» synyp oqýshysy 
silteme ....................................

Men saǵan esirtki jaıly aıtyp beremin

      Eriksizden Sanańdy İritip, Retsizden Tánińdi Kúıdiretin İriń (esirtki)

     Sońǵy kezde nelikten jaısyz júrgenińdi endi túsindim. Syryńdy ashyp aıtqanyń óte durys boldy. Basqa mektepte oqysań da, ekeýmiz qurdas emespiz be, ári kórshimiz. 
     Saǵan ol páleni bir kisiler usyndy deısiń be? Nege bas tartpadyń, álde qyzyq kórdiń be? Bar bolǵany bir-eki ret tarttym, temeki sıaqty dep oıladym deımisiń? Demek, shylymnyń da dámin tatyp kórgen boldyń ǵoı.
     Búgingi qadamyń óte oryndy dep esepteımin, meni dos dep syrlasqyń keldi me. Jaraıdy, esirtkiniń zıanyn shamam kelgenshe túsindireıin saǵan.
     Kóz aldyńa elestetip kórshi: Shildeniń shyjyǵan qapyryǵynda japan túzde shól qysyp, jalǵyz kele jatqan sátińde aldyńnan saǵymdanǵan jalǵan kólshikti kórip janyń jaı taba bastaıdy. Jetem dep júgirgenińmen, jete almaı qorlanasyń. Kenetten, aıdalada qumdy daýyl borap, qara túnekke tap boldyń. Bir jutym sýǵa zar bolyp, aýzy-murnyń sýsyǵan topyraqqa tolyp, esińnen adasyp, janyń alqymǵa keldi. Óńeshińe jınalǵan qum jybyrlaǵan qurt sekildi jep jatqandaı arpalys kúıge tústiń. Adastyń, elerip quladyń, sanań óship barady...
     Al endi, oılap qara: aty óshkir esirtkini ádepkide áldekimderge erip qoldanǵan kezińde kózińe elestegen saǵymdaı, bir sáttik aldamshy rahat sezimge bólengenińmen, shyn máninde uıyqqa batyp bara jatqanyńdy sezbeı de qalasyń. Sanańmen qosa tániń de irip-shirip, túptiń túbinde tiri ólikke aınalasyń, aqyrynda qor bop ólesiń. 
     Qorqyp qaldyń ba? Durys, durys,  qorqa bil jáne dereý qash bul báleden. Saǵan janym ashyp aıtam. Seni esirtkige tartqan essizder kúldirip aıtsa, men jylatyp ta, qorqytyp aıtamyn. 
     Esirtki men temekiden boıyńdy aýlaq usta, sportpen áýesten. Salaýatty ómir saltyn ustansań únemi sergek júresiń, kóńil kúıiń de jaqsarady. Men sıaqty ulttyq jekpe-jek úıirmesine qatyssańshy. Qalasań, búginnen bastap janyma erteıin. Moınyma taqqan medalderimdi baıqadyń ba, sporttyq saıystardan alǵan júldelerim. Bálkim, bir kúnderi jeńis tuǵyrynda birge turarmyz... 
     Mine, endi uqtyń ba. Túrińnen baıqap otyrmyn, túsingendeısiń. Ótken iske ókine berme, qaıta der kezinde esińdi jıyp, aqylǵa keldiń. Eńseńdi tikte, boıyńdy jına. Qamyqpa, bul áńgime aramyzda qalady, aıtqan syryń amanatyń bolsyn. Aıtpaqshy, seniń de sabaǵyń túske deıin emes pe edi. Olaı bolsa, saǵat úshte menimen birge stadıonǵa barasyń ba? Tamasha! Keliskenińe qýanyshtymyn. Basy artyq boks qolǵaby bar edi mende, saǵan shynǵa bereıin.
     Jaraıdy, onda sálden soń kútem, úıge kel, birge shyǵamyz. Kezdeskenshe!
#ÝPNDPKZO

---