InfoHub Logo

Bala júregi - kishkentaı kúı sandyq. Sol sandyqtyń kiltin tapsań ǵana ashylady. Muǵalimniń qolynda ár kezde sol kilt turý kerek.

M. Shahanov

Meniń mamandyǵym - muǵalim. Muǵalim - úlken jaýapkershilikti qajet etetin asa mańyzdy mamandyqtyń biri. Men bul mamandyqta oqyp jatqanyma áne mine degenshe tórt jyl bolypty. Mektepti aıaqtaǵan sátten-aq muǵalim bolamyn degen sheshim qabyldadym. Bul sheshimge kelmes buryn ǵylym ıesi ǵalym da, el qorǵaǵan batyr da, tilinen bal tamǵan aqyndar da, tegeýrine temir balqytqan jumysshy da, egin ekken dıhan da, mal baǵyp terin tókken shopan da bári-bári ustazdan bilim alǵan degen oı sap ete tústi. Sodan keıin nyq bekinip,qatty qyzyǵyp keldim. Oqý barysynda tájirıbeden ótý úshin mektepke barǵan edim. Mektepke kirgen boıdan kishkentaı balaqaılardyń aldynda ózimdi óte baqytty jan sezinip, qatty qýanamyn Balalar - bizdiń bolashaǵymyz, men olardyń shynymen de jaqsy jáne bilimdi adamdar bolǵanyn qalaımyn. Maǵan kishkentaı balalarmen ýaqyt ótkizgen jáne olarmen oıymdy bólisip pikir almasqan unaıdy. Men olarǵa jaqsy, aqyldy bolýǵa, adal, meıirimdi jáne asyl bolýǵa kómektesýge tyrysamyn.

Árıne, muǵalim mamandyǵy ońaı emes. Mektep — balalardyń ekinshi úıi bolsa, al ustazdar ekinshi anasy desek qatelespeıtinimiz anyq. Bul úlken bilimdi, sezimniń óte náziktigin jáne keıde úlken shydamdylyqty talap etedi. Biraq men bilikti muǵalim bolatynyma jáne oqýshylarymnyń óte bilimdi bolatynyna senemin.

Mańǵystaý oblysy Aqtaý qalasy
JSHS «Kaspıı óńiri «Bolashaq»  kolejiniń»  4- kýrs stýdenti Tenızbaeva Jadyra

---