InfoHub Logo

Ómir — ol úlken jol. Ómir — teńiz, júzem onda demeńiz,İzgilikten jasalmasa kemeńiz. Ómir adamǵa bir – aq ret berilgen úlken syı. Ómirdiń máni adaldyq, adamdyqta,qarapaıymdylyqta. Ómir arnasy keń ózen, sol ózennen óz arnamyzdy taýyp aǵý bizdiń basty maqsatymyz. Iaǵnı durys joldy taýyp,ary ǵaraı osy ómirde jaqsy amaldar jasap ómirińizdi aıaqtaý. Ómirde armandap, óz maqsattaryńyzǵa qol jetkizip baqytty ǵumyr keshý. Al óz maqsatymyzǵa jetý ońaı emes, ol úshin qandaı da bir qıyndyqtarǵa, kedergilerge kezdesýimiz múmkin. Ómir bolǵan soń ár pendege ár túrli synaqtar keledi. Jaratqanymyz súıgen qulyn synaıdy demekshi ómir synaqtarǵa toly. Endi bireýlerge qıyndyqtar kezdespeýi de múmkin. Sondaı kezderde bireýlerge qyzǵanshaqtyq, kóre almaýshylyq tanytpaı, óz maqsatymyz úshin kúrese bilýimiz kerek. Barlyǵymyzǵa qol aıaq,oı sana,birdeı ýaqyt,birdeı múmkindikter bergen sol sebepten eshqashan moıymaı óz maqsattarymyz úshin,armandarymyz úshin kúresýimiz qajet. Ózimizdiń kúshti jaqtarymyzdy kórsetip,  álsizdik, sharasyzdyq tanytpaýymyz kerek. Biz óz ómirimiz úshin ómir súrýge tıispiz. Bireýge renjip nege op ońaı óle salýymyz kerek, baqa ǵurly joqpyz ba? Baqa da óz ómiri úshin kúresip aqyry jeńiske jetti. Sol sıaqty árbár synaqqa sabyrmen, shydammen kútsek túbinde bir syı bolatynyn umytpańyzdar!

Adam ózin — ózi tárbıelep, aldyna maqsat qoıa bilýi kerek. Sol maqsatqa jetý úshin adamı qundylyqtardy baǵalaı otyryp, “óz ómirim ózime qundy ” degen qaǵıdany basty nazarda ustaýymyz qajet. Biz ómirde ózimizge maqsat qoıa bilemiz be? Ómir — arpalys, kúres.

Bul jalǵanda ómir kúni qysqa
Birer jyl men qys óter.
Júregińmen jol taýyp,
Maqsatyńa qolyń jeter

Adamnyń ómiri – Jaratqannyń syıy! Biraq, ókinishke oraı, kóp adam bul álemge ne sebepti kelgeni týraly oılana bermeıdi. Ózinen keıin sanaly urpaq qaldyrýǵa umtylmaıdy.

Adamdar qymbat tastardy baǵalaıdy. Sol tasty kóziniń qarashyǵyndaı saqtaıdy. Al kúndelikti ómirde qalaı ómir súrip jatqanyna múldem derlik mán bermeıdi. Ýaqytyn bos ótkizip, teledıdardyń adynda jatady. Bir kúni sáti túsip “Bul ómirge ne úshin keldim? Maǵan ómir ne sebepti berildi?” degen saýal qoıylady. Jaryq dúnıeni kórý baqyty buıyrǵan eken. Onyń beker emestigi sózsiz. Iaǵnı bizdiń ómirimizdiń bir máni bar. Ómir adamǵa bir ret qana beriledi. Áıgili jazýshy Ostrovskıı aıtpaqshy, ony artymyzǵa qaraǵanda ókinish bolmaıtyndaı etip súrýimiz kerek.

Maqsat – ómirdegi eń basty nárse. Ol armandarǵa umtylyp, qalaýyńdy oryndaý degendi bildiredi. Ol ár adamda ártúrli bolýy múmkin. Biraq, ol mindetti túrde bolýy tıis. Ol joǵary deńgeıde, barsha adamǵa paıda alyp keletindeı bolýy tıis.  

Abdýǵalı Aınur Anýarqyzy

---