InfoHub Logo

Bala tárbıeleý - Qazaqstannyń bolashaǵyn qurýmen para-par. Sondyqtan, qazirde ol qoǵamdaǵy mańyzdy máselelerdiń biri bolyp otyr. Osy urpaq tárbıesindegi qatań tártip pen mádenıet kúlli adamnyń kúndelikti ádetine aınalǵan kezde, bizder meıirimdi qoǵamdy quryp qana qoımaı, zorlyq -zombylyqsyz balalyq shaqty qalyptastyrar edik.

Tárbıeni ár adam birinshi ózinen bastaýy kerek. «Adam- adamnan tálim alady»- dep beker aıtylmaǵan. Biraq ınternet pen áleýmettik jeli jaqsy damyǵan myna ǵasyrda ol bizge qıynǵa soǵary anyq. Sebebi, balalar endi sóılep kele jatqan kezderinen bastap,eresek shaqtaryna deıin uıaly telefonmen birge ósedi. Keıbir jumysbasty ata-analar oǵan mán bermeı, telefondy qoldaryna ustatyp, jumystaryna ketedi. Mine, osy sátten bastap bala sanasy qurtyla bastaıdy. Sábıdiń endi qalyptasa bastaǵan, ári ár nársege qyzyǵyp turǵan shaǵynda ony ata-anasy emes, uıaly telefonnyń tárbıeleýi durys emes. Búginde, elimizde zorlyq-zombylyq sany kóbeıýde. Iá, onyń sebebi, osy balalarǵa kezinde ulttyq tárbıe bere almaǵannyń kesiri. Menińshe, ár sábı týǵannan bastap, ata-ananyń tárbıesin boıyna sińirýi kerek.

Zorlyq-zombylyqsyz balalyq shaq qurý, balanyń ózine de baılanysty. Meniń oıymsha, eń birinshi adam óz ortasyn, dostaryn jaqsy tańdaı bilýi kerek. Sebebi minez juǵady. Buzaqy, jastaıynan jaman ádetterge úıir adamdarmen júrý, zorlyq-zombylyq jasaýǵa múmkindik týǵyzady. Sondyqtan bala kezden bastap, ár adamda úlken maqsat bolýy qajet. Qasyńa tek bolashaqqa jospary bar, belgili bir maqsaty bar jandardy jına.

Zorlyq-zombylyqsyz balalyq shaq qurýdy ár adam maqsat etý kerek. Sebebi, jazyqsyz balalardyń ómirin qurtyp qana qoımaı, onyń júregine óshpes daq qaldyrý úlken kúná. Esińde bolsyn, jaryq dúnıege kelgen ár sábı zorlyq-zombylyq kóremin dep týmaıdy, sábıdiń bári baqytty bolýy úshin jaralǵan.

---