InfoHub Logo

Táýelsizdik – elimizdiń eń basty merekesi. Qazaqstannyń jańa dáýirde qol jetkizgen barlyq tabysynyń qaınar kózi – Táýelsizdik. Táýelsiz el bolǵandyǵymyzdyń arqasynda dúnıeniń bir buryshynda qazaq degen halyqtyń qomaqty da aýqymdy ister tyndyra alatyn óresi myqty halyq ekenin álem bildi. Qazirgi táýelsiz Qazaqstan ata-babanyń oryndalǵan shuǵylaly armany, sarǵaıyp kútken saǵynyshy. Táýelsizdik tańyn ańsap, armandaǵan ata-babalarymyzdyń asqaq armany júzege asty desek, qatelespeımiz. Táýelsizdik tarıhy - uly taqyryp ekendigin jas býyn ókilderi, qazirgi urpaq eshqashan esten shyǵarmaýy kerek. Táýelsizdikke yntymaǵy, aýyzbirshiligi berik, myqty halyq qana qol jetkizetindigin ótkenimiz naqty dáleldeýde. Táýelsiz memleket bolǵannan keıin onyń óz zańdary men qaǵıdalary bolýy qajet. Osyǵan oraı Ata Zańymyz qabyldanyp, Ata Zańǵa súıene otyryp qoǵamdaǵy keleńsizdikterdi rettep, adam quqyǵyn qorǵaıtyn zań jobalary birtindep qabyldana bastady. Jahandanýdyń jańǵyryp turǵan zamanyna tuspa-tus kelgen egemendigimiz, táý eter kıeli Táýelsizdigimiz alǵa qadam basyp qaryshtap damýda. Jyldan-jylǵa damyp, órkendep, qanat jaıyp kele jatqan bizdeı jas memlekettiń alar asýy, shyǵar belesi, aldaǵy jetistikteri óte mol dep nyq senimmen aıtýǵa bolady.

Almaty qalasy Alataý aýdany №151 JBB mektep Araılym Smaılova

---